وصل موضوعي الى الطلاق مع زوجي ليس لي إلا إنتم بعد الله ساعدوني
السلام عليكم ورحمة الله بركاته
اخواني واخواتي اعضاء المنتدى يعلم الله إني في حاله نفسيه سيئه جدا
ولم اعد استطع التفكير ارجوكم ساعدوني انا الجأ لكم بعد الله انا متزوجه من 6 سنوات
تقريبا عندما كان عمري 18 من رجل يكبرني 8 سنوات الحمد لله وانا ولله الحمد جميله جداوكانا هو من اصر على الزواج ....... كنا متفاهمين لكني
في بداية الزواج إكتشفت خياناته لكني تغاضيت بعدما ابدأ اسفه كنا متغربين عن
مدنتنا الأصليه في مدينه ثانيه لظروف عمله
بعد 5 سنوات في الغربه تم نقلنا إلي مدينتنا
هنا تبدأ المشكله:
لمن جا النقل ارسلي قبله وقلي اخلص اموري وأجيكم طبعا رفض المدير إنه ينزل
وجلست عند اهلي تقريبا 8 شهور كان يجنا بس قليل
طبعا بعد 8 شهور سارت اموره كويسه ولله الحمد والمدير وافقله ان يرجع مدينته الأصليه
طبعا بعد ما رجع جلس يدور بيت وكل شوي يقول مالقي
ومره كانت بنتي تعبانه إتصلت عليه قتله البنت تعبانه تعال وديها المستشفى
قلي ليش ماقلتي من بدري انا ذحين مو فاضي
وسكر السماعه في وجهي طبعا إتصلت عليه كذا مره مارد
وبعد تقريبا 8 ساعات إتصل قال إيش تبغين قلتله ليش
ماجيت للبنت مره تعبانه جلس يتلفض بالفاظ بذيئه
وعصب وصارخ انا هنا إنفجرت وقلتله انا صابره على الوضع
ذا لي شهور عند اهلي ولا تسأل علينا ولا تهتم بعيالك
ولا عندي بيت ولا ترسل مصاريف وذا بغيت شي اخذتني فندق ساعتين ورجعتني بيت اهلي
هذي ماهي حياه رد عليا وقال إنتي غبيه واهلك اغبا منك انا مني طايك ولا ابغاك
ولا ابغا اشوف وجهك سكر السماعه في وجهي
بعد يومين جاء للوالد وقاله بنتك لسانها طويل مو مؤدبه
طبعا الوالد إنصدم وقال اشوف البنت
طبعا جاء ابوي وسألني وقلتله إيش دار في المكالمه وإني إنفجرت
للإ ني كنت كاتمه في قلبي
طبعا قلي الوالد خليه شهر تهدأ النفوس وفي الشهر هذا ماسأل ولا يرسل مصاريف
ودق على الثابت ومايسأل عني انا نفسيتي ساءت وطبعا في شهر اللي مايكلمني عرفت انه اخذ بيت وجاب العفش0000
قبل امس000
كان في زواج جماعتنا ورحت وقلت اغير جو طبعا لقيت اهله
إتصل ثاني يوم بعد الزواج وكان له شهر ونص مايكلمني0000
طبعا بالبدايه مارديت0000 بعدين الوالد قلي ردي وشوفي اكيد حس بالذنب وحاب تتصالحون
دق ورديت وجلس يصارخ ويقول الفاظ قويه ويجرح وطبعا انا طول المكالمه اقوله الله يهديك
وطبعا جلس يهاوش ليش رحتي الزواج ورقصتي وتضحكين وقال انا ما أبغاكي والبيت إلي انا
اخذته ليه ما أبغاك تجين ويا ويلك لو خرجتي من البيت ومتى ماجاء في بالي اطلقكي
إنتي الأن خليكي في بيت اهلك محنطه إلين تموتين
طبعا الأن مااكلمه ويتصل ماأرد عشان الوالد قال بيتفاهم معاه
ياجماعه ساعدونــــــــــــــي ليه يتصرف كذا خصوصا إنه كان يحبني
مايبغاني يطلقني ولا يعذبني كذا
وأنا اكتبلكم الموضوع الآن جاء وأخذ الاولاد والشغاله.........
عندي ولد وبنت 5 سنين 3 سنين
التعديل الأخير تم بواسطة cutiepie ; 27-02-2009 الساعة 09:15 PM
27-02-2009, 04:24 PM
ضوابط المشاركة
العرض الشجري