زوجي تصرفاته لا تحتمل و لا استطيع ان اعود الى بيت اهلي
مساء الخير....
مشاكلي قصدي مشكلتي المتبلوره في كل شئ ,,
انا فتاه عمري 26 سنه تزوجت من عشر سنوات وكنت صغيره مرره وعندي ولدين,تزوجت من شاب اكبر مني بخمس سنوات يعني في زواجنا كان مراهق .عصبي وحاد الطباع ويسهر لاخر الليل ولا مبالي بأي مسئوليه مني ,وكان يضربني كثير ويهينني مع اهله واهلي والناس كلهم ,وبأختصااار ((لا يحتمل))
تعبت وضقت منه الويلات وعلى كذا مااقدر اروح بيت اهلي لسببين :الاول اولادي خايفه عليهم والثاني ابوي القاسي اللي مايحب اولاده ابد وكان بالوقت اللي اروح ازور امي يطردني مع اولادي وقساوة ابوي اثمرت على اخواني ضعيفي الشخصيه بل معدمه امام زوجاتهم وبنات ضعاف اما م ازواجهم
كثر ماكرهت ابوي كرهت حياتي والعيشه ببيت اهلي وهذا اللي جعلني اوافق بزواج مبكر واهرب من بيت الهم والكدر والاهانه والذل واروح لبيت مثله بنموذج آخر ,والحين فعلا كبرنا وزوجي لا زال عديم المسئوليه اتجاهي واتجاه اولاده اللذين اذا مرض احدهم اضوق الويلات لاني انا اللي اروحهم المستشفى واعالجهم واذا مرض احد من اصحابه سرع روحه هو بنفسه وجلس سهر اليالي جنب راحته,لان الاهم عنده اهله واصحابه وبس,واذا كان بالملحق اللي انا عايشه فيه به عطل انال اللي اصلحه وحتي بالاشقال الثقيله التي ماتصلح الا للرجل وربي انا اصلحها ,واذا انا مرضت كذالك مايهمه اما اذا مرضت اخته رغم انها متزوجه وزوجها مصلح كثير هو اللي يحاول معها حتى يروحه بالمستشفى
وعلى فكره انا عايشه مع اهله بملحق صغير مره لانه عمله حر وضعيف ماديا وما عندي حتي مطبخ
وعلى قوله المثل:رضينا بالهم والهم ما رضى بينا,,امه على طول عندي تدخل بدون استئذان لا ليل ولا نهار
وماعندي ادنى حق من الخصوصيه ولا العيش بعد ,,رغم اني والله شاعله اصابعي شمع له ولاهله
واسمع بصديقاتي عندهم شقق لوحدهم وينعمون بحياة الخصوصيه وانا اسمعهم وقلبي فيه غصه من الالم والحرمان اللي فيني ولا عمري تذمرت لزوجي من عيشته وفقره بالعكس كنت اصبره ولكن مافي فايده
تعبت والدنيا مهي راضيه تنصفني
اسفه سردت قصتي بدون مااحس وطولت عليكم بمشاكلي اللي مااتوقع لها نهايه ولا حل بس اقولها بمحض التنفيس فقط ولكم كل شكري
تم تعديل العنوان ليتضح المضمون
الإشراف
التعديل الأخير تم بواسطة cutiepie ; 30-03-2009 الساعة 11:44 PM
30-03-2009, 11:35 PM
ضوابط المشاركة
العرض الشجري