كلام أخوي عطر الزمان أثر فيني

الواحد ما يصدق أن في نسوان كذا .. بس إذا فكرت بعقل أقول ايه فيه

فيه ناس يرفسون النعمة برجولهم .. زوجة عطر الزمان واضح أمرأة مغرورة ومتكبرة بدرجة سيئة

و ما تحبه بعد .. لأن الي يحب إنسان يتواضع له ويعمل أشياء يمكن عمره مافكر يعملها لأنسان

لكن الحب يغير الانسان .. بس زوجت عطر الزمان ما تحب إلا نفسها

ويمكن مو هي بس الغلطانة .. حتى أنت يا عطر غلطان .. أختيارك من الاساس غلط

مو معقولة فترة الخطوبة ماحسيت فيها .. حتى لو نها ساحرة كان بينت على حقيقتها

أنت مقاييسك للزوجة كان خطأ X خطأ أخترت وحدة متربية بشكل و عايشة بطريقة وتبيها تنزل لك

لا اهي مراح تنزل وتتواضع غير للي أكبر من راسها

ولا راح تتغير إلا لما يدخل الحب قلبها بجد لأنها بحالة أنانية فضيعة

الحين ما علينا أنت موضوعك أنتهى

بالنسبة لأخوي صالح .. ما نقدر نحكم عليها مثل زوجتك على طول كذا

أنا دار في مخي عدة أحتمالات من البداية

أما أنها ما تحبه

أو مغرورة ومتكبرة عليه لأسباب مختلفة يمكن الفرق بين شكلها وشكله كبير مع احترامي لك وأنا عارفه مو كذا يتقيم

الانسان بس اتكلم بطريقة تفكير بعض الناس .. يمكن أهلها أكثر ثراء من أهله .. يمكن تفتخر بعايلتها أكثر منه

أو أنها دلوعه وعايشة في غيبوبة وغفلة من الدنيا .. خربها الدلع الزايد ويبي لها تسنيع منه أو من أهلها

في عدة محاولات .. الطلاق مو شي سهل ..

أخوي قال الزواج علاقة سامية ومقدسة فمايصير نقطع المقدس بهذي السهولة

4 شهور تو الناس على هالتفكير .. يحتاج لعدة محاولات

__________________