[SIZE="5"]السلام عليكم ورحمة الله وبركاته
بصراحه أنا من المعجبين جداً بهذا المنتدى الراقي و من أشد المتابعين لمواضيعه وقررت أن أشارككم وهذي أول مشاركه لي واتمنى تكون خفيفه بس مالقيت غيركم بعد الله أشكيله همومي
عمري 24 سنه متزوجه لي 3سنوات ونص عندي طفلين بنت وولد عمر زوجي 30 سنه
بصراحه ماأدري من فين ابدا أحس حياتنا بدأت تنهار مع أنها مشاكل خفيفه بس كثرة المشاكل هذي وبدأت تتراكم لأن زوجي مايفكر أبداً بمبدأ الحوار بعد المشاكل يعني تصير المشاكل ونقعد يوم أو يومين متزاعلين ويجيني بعدين ولا كأن فيه شي صار
حاولت بالبدايه أننا نحل كل مشكله أول بأول ومانترك أي شي بدون مانتكلم ونتفاهم ونتراضى عشان تصفى القلوب ونرتاح
لكن مليت لأني دايم أنا ألي أبدا وهوه ولا على باله لو نقعد مية سنه على هالحال واحيانأ النقاش يجيب مشاكل زياده ونقوم واحنا متزاعلين ولا يفكر بحل للمشكله يجي اليوم الثاني ولا كأنه صاير شي
وانا مليت من الأسلوب هذا
والأيام هذي ماصرت أتحمل منه أي كلمه على أتفه كلمه منه أزعل واتضايق أحس حياتنا صارت ممله ماعاد فيه شي يبسطنا لا الخرجات ولا أي شي أحس حياتنا صارت ممله أحس نفسيتي تعبت من الشي هذا ماصرت أعرف أذا كنت أحبه ولا أكرهه وهذا الشي أكثر شي مضايقني ماأبغى يجي يوم أكرهه لأني لوكرهته مستحيل اقدر أمثل أني مبسوطه عشان تمشي حياتنا وبس ماأقدر على كذا
لدرجة حتى العلاقه الخاصه أحسها بدات تتغير بيننا يعني لنل ثلاث سنوات تقريباً يومياً يصير بيننا الشي هذا لكن الأيام الأخيره أحس صار يطوف كم يوم بدون أي شي
وبآخر مشكله بيننا كانت تافهه مره لكنها وسوت حاجز كبير بيننا
أذكر كنا جالسين نسولف وهوه الأيام هذي ظروفه الماديه صعبه شويه وانا مساعدته بكل ألي أقدر عليه
حتى المصروف الخاص ليه له 4 شهور ماأعطاني أياه وطبعاً بطلب مني أنا حتى أساعده
ووعدني بالشهر الجاي يعطيني المصروف الي فاتني كله لأنه بيجيه جمعيه الشهر الجاي أن شاء الله
بس ألي خلى المشكله تصير هوه أني سألته بمزحه كم بتعطيني الشهر الجاي عشان أشوف على باله ولا لأ
قاللي ماأدري سألته من جد تتكلم هذا بدل ماتجازيني على صبري توقعت انك تزيدني كمان كل ذا الكلام واحنا نضحك بالأخير قاللي يمكن ينقص أنا هنا بديت أعصب
لانه دايم يسو ي الحركه هذي فيه يعني يتسلف مني أحياناً ويقولي أعطيك الشهر الجاي وبالأخير ماعاد يعطيني شي يعني أحسه بدا يبخل عليه وياخذ فلوسي بدون أي تفكير
وبعدين سألته عن دوا تخيلوا رحت المستشفى با لشهر ألي فات بسبب حبوب طلعت جسمي وتركت أثر ووصفتلي الدكتوره مرطب وحبوب ومقشر كلها كلفت 400 ريال ووقتها قال غاليه خليها للشهر الجاي
وانا وافقت بدون أي تردد وجاني ذيك الليله بالليل كان رايق وقالي أنه بيجيبلي الدوا لو يكلفه كل راتبه أنا هنا قلتله لأعادي يتأجل أذا ظروفك ماتسمح
خله للشهر الجاي الشهر هذا ماخطر على باله ولما دكرته فيه قالي ماأقدر خليه للشهر الجاي يعني قاعد يلعب عليه مع العلم أنه يلقى فلوس لحاجات ثانيه يقدر يصبر عنها يعني قاعد يتجاهلني ويتجاهل طلباتي
وزعلت وقلتله هذا جزى صبري كل الشهور هذي أحسه بدأ يتعود على سكوتي وتنازلي عن طلباتي بحجة أن ماعنده فلوس وهو مو لذيك الدرجه يعني راتبه ممتاز ماشاء الله
وتخاصمنا ورفع صوته عليه وقمت من عنده وانا أبكي وكنت مقرره أنه آخر شي بيني وبينه لكنه جاي يضحك معايه ويسولف بعد المشكله بنص ساعه ولا كانه قالي أي شي
أحس اني كرهت العلاقه الخاصه معاه من كثر مايزعلني ويجي يضحك بعدين ماكانه صاير شي يعني وقت العلاقه يتغير كل شي ووقت ماتخاصمنا قلتله حتى العلاقه الخاصه كرهتها معاك لأن مايهمك ألا هي تزعلني وتجرحني ووقتها تتغير
كرهتني فيها هذا الكلام قلته وقت ماتخاصمنا
ومن يومها ماصار شي بيننا يتكلم ويضحك معايه بس أنا مصره المره هذي أنه هو ألي يحل المشكله ماهو أنا مثل كل مره
واليوم وقت النوم جاء ضمني توقعت أنه بيتكلم بالمشكله أنتظرته وماقال أي كلمه عرفت أنه يبغى شي ثاني
ماتحركت ولا قلت شي بالأخير راح وخلاني بعدين قمت من السرير وجيت اكتب لكم مشكلتي
أحس مشاكلنا كثرت وتراكمت وبدينا نتباعد عن بعض ونفسيتي تعبانه ماعاد لي نفس أخرج أو أقابل أحد
أو أكلم أحد نفسي للأكل بدت تقل ووزني كلماله يقل بسبب الهم والحزن كل مايشوفني أحد يسألني ليش نحفانه حتى النوم ماصرت أنام زي الناس وكله بسببه وهو ولا على باله شوفوا كيف المشكله الأخيره تافهه بس بسبب التراكمات صار أي شي يبعدنا عن بعض أحس حياتنا بدت تنهار ماأدري أيش أسوي أحس أني تعبااااانه فياليت تساعدوني هل الحياة الزوجيه كذا ولا أحنا حياتنا غلط ولا أيش بالضبط وأدعولي أن الله يفرج همومنا وترجع حياتنا مثل أول واحلى الله يفرج همومكم
واعذروني على اللخبطه والتشويش
/SIZE]