السلام عليكم ورحمة الله وبركاته

لاحول ولا قوة الا بالله العلي العظيم

قصتي للعظة والعبرة

تزوجت منذ شهرين من قريبة لي وكانت لنا كلينا رغبة ملحة بالزواج من الأخر

وعلى حسب ماسمعت انها تحبني وتتمنى اكون زوج لها

والكل راضي مبسوط من الزواج من الأهل والأقارب

وتم الزواج والكل يمدح فيه ... وسافرنا شهر عسل ماليزيا وخسرت ماخسرت حتى تنبسط معي زوجتي

والله والله والله اني مو مقصر معها بشي

وبشهادتها هي ودايما اسألها وتحلف لي اني انا مو مقصر وتستغرب من اسألتي .. وجاوبتها بأنني لا اريد ان اظلمك معي اذا انا مقصر لا زم اعرف واصلح خطأي

تحبني وتعشقتي على حسب معاملتها لي ونظرتي لها .. وانا احبها وتمنيت لو نعيش باقي العمر مع بعض

من رابع يوم زواج جاها اتصال من رقم غريب ولم ترد عليه سألتها ليش قالت هاذي وحدة غثيثة مابي ارد عليها ..

وسافرنا ماليزيا ورجعنا وبعد ما عانت من اعراض حمل ذهبنا للطبيب للكشف .. وفي العودة للبيت جاها اتصال من رقم غريب ولم ترد عليه .. تقول مالي خلق اكلمها

بعد ماوصلنا وراحت لدورة المياة عزكم الله بحثت بالمكالمات ابغى اشوف الرقم لقيتها ممسوحه (بدأ الشك في الموضوع)

ولكن لا اريد ان اظلم البنت معي فحبيت اتأكد جبت لها جوال جديد وركبت برنامج مسجل اصوات

وأمس فتحت التسجيلات ولقيتها تخونني مع واحد تكلمه اذا رحت للدوام

ومن خلال المحادثة فهمت انه من نفس قريتها .. وكذلك انهم مع بعض من قبل الزواج

والله اعلم وعلى حسب التسجيلات اكتشفت انها كانت تقابله ... لاحول ولا قوة الا بالله

والله ياناس انهم عايلة طيبة حيل واخونها طيبين وابوها الله يرحمه طيب وخواتها .. وللأسف احدى اخواتها زوجة اخي

انا الان لي متزوج أكثر من شهرين وزوجتي حامل لها شهرين واسبوع

والله الحين نفسيتي دمار
انا للحين ما علمتها ولا خليتها تحس لاني ابي انزل الجنين واتفقت معها على ذالك بحجة انه انتي حملتي بدري وانا ابي سنة على الأقل .. ووافقتني الرأي
واليوم راح ادبر الحبوب لتسقيط الجنين
وبعدها اطلقها ان شاء الله بالثلاث لاني خلاص مستحيل اعيش مع خاينة بعد ما اوهمتني انها تحبني وتعشقني

والله ياناس لو تشوفون كيف تعاملني تقول انها وشوي وتبوس الأرض اللي امشي عليها

اخ ياقلبي والله ان نفسيتي حيل تعبانه ادعولي تكفون

وانا الأن مستمر معها بالتمثيلية وراح ابلغكم الأخبار اول بأول

السلام عليكم