اختي مهره
انتي ما شاء الله عليكي مره صارمه و حازمه
ما اعتقد اقدر اصير مثلك خصوصا في مسألة انه يختار اي وجبه و خصب يلتزم فيها
شوفي يا ستي.. يا اما انه ابنك كان اكبر من سنتين وفي حدود الثلاثه او انه عبقري و ذكائه خارق لأنه مستحيل بنتي تفهم الكلام هذا اصلا. ترى بنتي بس 20 شهر
اختي helwaya
فعلا انا بنحرج من الناس لما تبدأ بالبكاء و وقتها ما اعرف ايش اسوي, خاصة قدام الضيوف لأنه الجلسه راح تخلص ببكائها بدل السلام و الكلام
والشي الي مانعني من الشده و العقاب هو صغر سنها يعني هي تعتبر رضيع لسه
انا قررت مع زوجي التالي:
1- انه ممنوع تاكل او تشرب من الآخرين ايا كان
2- ممنوع تاكل بين الوجبات حتى لو كان مجرد تذوق
3- انه اذا واحد مننا منع عنها شي لازم الثاني ما يعطيها
4- اننا نقوي قلبنا و نكون حازمين معها حتى لو بكائها بيفجر راسنا
5- اننا نلتزم بالقواعد هذه في اي مكان حتى لو مكان عام
بعد كل هذا لاحظت انه كل الشغل علينا
يعني احنا الي لازم نتعلم كيف نأدبها مش نعلمها هي كيف تتأدب