أخت كبرياء

السلام عليكم

أنا قريت مشكلتك وحسيت انك متحسفة ونادمة على اللي صار

انا عندي تعليق واتمنى سعة صدرك

أولا من كلامك أنه من بداية الزواج وهو يحسسك بحبة ويحاول يسوي لك كل شي عشان يسعدك

وما يبخل عليك لكن يمكن ظروفة العائلية وخصوصا أمه وهذا انا ما أعتبره ضعف شخصية

الرجل يمكن ما يبي يغضب والدته لأنها أمه وأنتي تعرفين ايش معنى الأم لأنك أكيد شعرتي بهذا الشعور

والدين يوصي الرجل بوالديه والمرأة بزوجها

يعني لو أنك صبرتي وتحملتي عشان زوجك أولا وعشان بنتك ثانيا وتقديرا للي سواه لك اتوقع يستاهل أنك تتحملين

أهله.

وانا ما أقول ان اللي سواه صحيح وبنفس الوقت انا ما أقدر أحكم عليه من خلال روايتك أنتي لأن رواية الطرف الثاني ايضا مهمه

لكن لا تعلمين يمكن خيرة لك انها انتهت على هذا الحال

ويمكن احسن لك أنتي أن الله يكتب لك شخص احسن من هذا الرجل

فتفائلي بالخير وسامحيه لأنه راح يبقى والد بنتك وهذا يعني انه في شي يربطكم ببعض

نصيحة أخ سامحي ووكلي أمرك لله سبحانه وتعالى وأصبري على مشكلتك والحل من الله سبحانه وتعالى

ولا تسمعين لأي كلام يثير الحقد عليه بقلبك بالعكس انا اتمنى أنك ما تسمحين حتى لأحد يتكلم عنه بغيابه مهما كانت

عيوبة لأنه والد بنتك وبنتك راح تكبر في يوم من الأيام ومافيه انسان راح يرضى احد أي كان يتكلم على والده.

وأخيرا أقول الله يوفقك ويعطيك على قد نيتك

وأنسي الماضي وعيشي الحاظر وفكري بالمستقبل وكملي دراستك

تحياتي