بسم ا لله الرحمن الرحيم
ياسهولة كلمة اتركيه ولا تستمرين معاه عند الناس..الله يغفر والناس لا .. اذا الريال تاب ينقطع اي رابط كان بينه وبين ا لخطا في الماضي .. و يا ما ناس كانو كفار واهتدوو واللي يسرق واللي واللي الاخطاء وايد مو معناته انهم ينكتب عليهم العزله ومالهم حق تستمر حياتهم مثل الباقي بالعكس دام باب التوبه موجود ومفتوح مافي مانع .. اختي اتمنى انج تسكرين هالموضوع اللي بيشتت افكارج وبيهدم حياتج بسبب الردود السريعه لان والله لو اي احد ثاني كان بمكانج ما قدر يرد بهالردود وبهالسرعه بس اللي ايده بالنار غير اللي ايده بالماي .. والله يهدي من يشاء .. محد يدري شنو اللي بيصير بكره .. ناس وايد كانو من احسن الناس والحين يشرب ويزني ويخون وغيره والمشاكل وايد محد يعلم الغيب فليش الحكم على شخص فعل الغلط في الماضي وتركه ليش نقعد نقول ها والله يمكن يرجع يمكن ماتاب .. خلي مركب حياتج يكبر وبالدعاء ان الله يثبته ويهديه انشالله ماراح يردج الله خايبه .. بوالنسبة حق بعض الاخوات وعشان تتاكدين انها مجرد ردود سريعه قرت في احد الردود ان انذكر بان كل الشباب يمرون بهالشي واهي لو تقره بتمعن كانت شافت ان مكتوب وايد شباب مرو بهالتجربه وفي فرق بين الاثنين ..والله يوفقج
التعديل الأخير تم بواسطة اروع حنان ; 28-05-2009 الساعة 10:10 AM
28-05-2009, 10:05 AM
ضوابط المشاركة
العرض الشجري