السلام عليكم ...
أعزائي أعضاء المنتدى...
شكرا على كل النصايح اللي وجهتوها لي..في موضوعي السابق..
نفسيتي محطمة بسبب زوجي
http://www.66n.com/forums/showthread.php?t=186671
..الحمدلله استفدت منها كثير كثير...ولكن عندي استفسار جديد...
بعد ما واجهت زوجي بالموضوع وصار اللي صار....قلت له..أنا كان بإمكاني أنزل برنامج حظر لهذه المواقع (ANTI_PORN)، بس ماحبيت انزله لأنك رجال وواعي ومافي داعي أراقبك..وعندك رب يراقبك ويحاسبك...قال لي: لا لا نزليه..أنا أبيك تنزلينه..المهم إني نزلت البرنامج...وجربت أي موقع فيه كلمة غير لائقة مايفتحه....ويقوم بالتقاط صورة لشاشة الكمبيوتر كل فترة (انت تحدد الفترة)..ويسجل كل المواقع التي دخل عليها حتى لو تم مسحها من تاريخ الانترنت...والبرنامج أيضا فيه خيار..إذا كنت إنت أو شخص كبير (البرنامج لمنع الأطفال من مشاهدة هذه الصور) تستخدم الكمبيوتر ...يفتح لك كل المواقع...أنا اخترت خيار إخفاء البرنامج وخيار الكبار...يعني زوجي ما يشوف أي شي في الكمبيوتر يدل على إني نزلت البرنامج.....وعدت الأيام وأنا كل يوم لما أرجع البيت أفتح البرنامج وأتأكد من كل شي...والحمدلله مرت الأمور تمام...
طبعا حاولت أستعيد ثقتي بزوجي مثل ما نصحتوني...بس مع البرنامج حسيت نفسي ما أقدر أوثق فيه إلا بعد ما أتأكد من كل شي عمله على الكمبيوتر...وصرت أعرف حتى الرسائل اللي يرسلها لأصدقائه عن طريق الانترنت...وحسابات البيت وغيرها...وبصراحة تعبت من كثر المراقبة...وهو ماشاء الله عليه...صار يحاسب على كل شي...وصار تعامله معاي أفضل...خصوصا بعد ماقرأت موضوع لأحد الاعضاء عن كيفية التعامل مع الزوج...وغيرت طريقتي معه...
من كم يوم كان جالس عند الكمبيوتر...وقربت جنبه ومسكت الماوس...ووريته البرنامج وعملت له حذف...قال لي...ليش؟؟؟قلت له..أبي استعيد ثقتي فيك...وأبيك تعرف إن الله يراقبك وتخاف منه مو مني أنا...وأبي نفتح صفحة جديدة مافيها شك وخداع.....طبعا هو فرح كثير كثير..بس قال لي عن طريق المزح: إنا عارف إنك تبيني أسامحك على اللي قلتيه قبل...قلت له بحزم: لا حبيبي..أنا ماغلطت حتى تسامحني ولا زلت متمسكة بكل كلمة قلتها وقربت له وقلت له: أبيك تعرف إن هذي فرصتك الأخيرة...وإذا انهزت ثقتي فيك ولو بشي بسيط ما راح ترجع طول العمر وخلك فاكر هالكلام...وإنت تعرف إذا راحت الثقة شنو يصير...

و بعدها بيوم وكنت أكلم صديقتي بالتلفون...ومو ذاكرة شصار بعدها وسألني: كنتي تكلميها بالموضوع (يقصد موضوع مشاهدته للصور)؟؟ قلت له: مستحيل أكلم أحد بالموضوع ولو على موتي...طبعا هو ابتسم وانبسط لأنه عرف إني ماراح أفضحه لو أموت...

مو عارفة إذا كان تصرفي بحذف البرنامج صح أو لا؟؟وهل استعجلت بإخباره إني أريد استعادة الثقة به؟؟وإني لن أفضحه مهما حصل

وفي الفترة الأخيرة حصلت كثير قصص حوالي عن رجال تزوجوا على زوجاتهم ...ومن ضمنهم واحد تزوج بسبب صغر حجم صدر زوجته...بالرغم من إنه يحبها مرة وهي ماشاء الله قمر...وكمان وضعت شروط تعجيزية حتى ما يتزوج ووافق على كل شروطهاوتزوج...ويوم اللي عرفت القصة كنت متضايقة ومعصبة شوي..وجيت حكيتها لزوجي بعد ما قلت مقدمة عن الرجال السطحيين واللي يشوفوا المظاهر بس وما يهتموا بالجوهر وغيره من الكلام...ولما خلصت السالفة قلت له: شرايك بموقفه؟؟وهل هذا سبب مقنع إنه يتزوج؟؟قال لي: بالنسبة لي سبب مقنع جدا وهذي حرية شخصية والله حلل له أربع...طبعا أنا ناظرته بنظرة فهمها وقال: لا تخافي أنا ماراح أعملها....قلت له: أنا الحمدلله واثقة في نفسي وماقلت السالفة عشاني خايفة...
بس الصراحة...ما صرت أحس بالأمان مع زوجي...وصرت أخاف منه ومن أفكاره...وطول الوقت أفكر بكلمته لما قال إنه سبب مقنع جدا للزواج...ومو قادرة أركز بدراستي...وكل ليلة أحلام وكوابيس...عن جد تعبت واحترت ومو عارفة كيف أرتاح ...عارفة إني أفكر بزيادة...وتاعبة حالي..
اعذروني طولت عليكم...بس مو قادرة وأبي اتكلم مع أحد..