حاسه اني بنفجر اذا ما فضفضت (حلت ولله الحمد)

08-06-2009, 09:34 AM

#11

أميرات

كبار شخصيات المنتدى

تاريخ التسجيل: Jul 2007

المشاركات: 5,090

اقتباس:

المشاركة الأصلية كتبت بواسطة الدمعه الزرقاء

والله يا اختي قريته قبل شوي واحس زوجي فيه ممن كل نمط شي مخلوط يعني فيه اشياء كثيره في الشمالي فيه واشياء لا مثل انه انطوائي زوجي مو انطوائي وصداقاته محدوده با العكس احسه منطلق من ها الناحيه وفيه اشياء برضو من الجنوبي فا احترت اي واحد هو

حلوووو .. انا من الاول قايله لك ان زوجك شمالي غربي ..

يعني فيه من صفات الشمالي .. و من صفات الغربي ..

الشرقي هو الانطوائي نوعا ما و علاقاته محدوده .. اما الغربي فهو انسان منطلق و عنده علاقات

كثيره ..

احمدي ربك ان زوجك مو شمالي شرقي كان ذقتي الويل منه ..

الان عرفتي ان هذه هي طبيعة زوجك .. و لازم تتقبليها و تتأقلمي و تتعايشي معها ؟؟

الشمالي بطبعه انسان عملي جدا .. لا يعرف يعبر عن مشاعره .. لكنه يحب اسرته كثيرا و حساس

جدا..

اختي حبي زوجك كما هو .. و تعاملي معه كأنه طفلك المدلل ..

من صفات الشمالي انه يحب المدح .. امدحيه كثيرا .. طبعا اذا قام بشيي يستحق المدح ..

حتى لو دخل البيت و في يده ربطة خبز امدحيه و اشكريه .. تعلمي من المسلسلات السوريه الكلام

المعسوووووول تئبريني يا حق ..

لا تصيري نكديه .. عيشي حياتك ..

تعالي تعالي .. و قال لك انقلعي وش صار يعني ؟؟؟!!!.. خربت الدنيا؟؟؟!!! ..

فوتي يا اختي .. و لا تعملي من الحبه قبه ..

احمدي ربك انه يحترمك و ما يهينك على الطالعه و النازله .. بس انت صايره حساسه بزياده ..

بالنسبه للكلام الرومانسي و العواطف الجياشه عودي نفسك انك ما تسمعيها منه عشان ترتاحين

لكن في نفس الوقت لا تبخلي عليه .. يكفي انك تشوفي السعاده في عيونه لما تغدقي عليه من

مشاعرك و عاطفتك ..

يمكن هو تربي في بيت ما يعبرون فيه عن مشاعرهم بالكلام ..

اذا كنت جالسه معه و احد من ابناءك جالس معكم اكثري من احتضان طفلك و قبليه امامه و قولي

لطفلك كلام حلو .. و قولي لزوجك و انت تبتسمين اللي ما يعرف يقول كلام حلووو لغيره هو الخسران

لان ما في اجمل من كلمة احبك عندما تخرج من فمك و تسعد بها الطرف الاخر ..

يا دمعه ليتك تتحولي الي بسمه و تسعدي نفسك و اسرتك ..

انت الام انت الحنان انت بسمة البيت .. و زوجك هو خيمتكم اللي تحميكم من غدر الزمان ..

والله الدنيا ما تسوى زعل على كلمة انقلعي او غيرها من الكلمات العابره اللي ما في رجل ما يقولها

في ساعة غضب ..

اكيد طووولت عليك يا قلبي .. وسعي صدرك و اذكري الرحمن و اكثري من الاستغفار و سامحي

ابو عيالك ..

و لا عاد اشوف دموعك .. يالله ابتسمي تبسم لك الحياه ..

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 12:29 AM.

روابط سريعه