يا أخوي أنا ما قلت ان الي تسويه أنت غلط .. لأن هذا يعتمد مثل ما قلت على ثقافة الأهل وبيئتهم
وأنا مو أول مرة اشوف او اسمع بهذا الشي .. ناس كثار وأعتقد صار شي شبه عادي أن المخطوبين يتكلمون مع
بعض بعد اتفاق الأهل وموافقتهم على الزواج حتى قبل الملكة .. ويتزوجون وينجحون في زواجهم
تكلمت عندما يكون في اختلاف بين الأهل في ذلك
عموماً مو هذا موضوعنا ولا هذي مشكلتك .. ولا ابي استغرق في الكلام عنها
تقول أن راسك مليان شغل وهموم .. بس مهما كان أنت مقبل على زواج مو لعبة
خل النساء من أقاربك يشتغلون في التقصي والسؤال عن ام البنت بين النساء وفي الحي الي ساكنين فيه
خل أخواتك يسألون عن البنت في الجامعه بين البنات لأن البنت تنعرف في هالاوساط
خليهم يسألون مين ترافق ومين تماشي من البنات .. خليهم يسألون عن تصرفاتها وسلوكها
هل هي من النوع الطايش .. كيف تتعامل مع البنات
هذي الأشياء سهل تعرفها إذا خليت أحد يسأل عنها في مكان تواجدها كل يوم إذا تدرس مثلاً
وأنت أسأل أو خل أخوك يسأل عن سمعت البيت بين الجيران .. اسأل مرة واثنين وثلاثة وعشرة
لأن بصراحة في ناس ما عندهم ذمة ويحبون يقطعون النصيب وأنا سمعت وشفت مثل هالناس
وفي نفس الوقت الكلام الي وصلك عنها ماهو سهل عشان تعديه ...
خلاص من اليوم أعمل تحرك واطلب من أهلك يعملون تحركاتهم .. واقطع الشك باليقين
وأنت ماشاء الله عليك عارف حساسية المرحلة الي تمر فيها
وخل الي رشحتها لك تتقصى أكثر يمكن مدام هي الي شارت عليك فيها عندها اتصالات بناس تعرفهم
وقراب منهم .. والحقيقة لا بد تظهر .. وصدقني التحركات المشبوهه والناس الي تمشي مايل
لابد ينكشفون وتنعرف تحركاتهم خاصة في مجتمعاتنا وخاصة كونها بنت
الله يكتب لك الي فيه الخير
__________________
..كالاطفال نحلم إننا ننام على سحاابة بيضاء يعطرناا المطر ..
14-06-2009, 12:38 PM
ضوابط المشاركة
العرض الشجري