اها

قلت لي متورط عاطفيا ..

فعلا الوضع صعب .. محد يقدر يلومك .. وخاصه ان الحب يعمي العقل والبصيرة .. و يعطي قدرة عجيبه على ألتماس الف عذر وعذر للحبيب على اي تصرف خاطئ او مريب

لذلك .. انصحك لا تتخذ قرار الانفصال الا و انت بيدك دليل قاطع

عشان مايجي يوم وتشتاق و تلوم نفسك وتتمنى لو انك تريثت ...

و عشان ماتندم على هالقرار و تتخذه بإقتناع تاااام من داخلك .. لاااازم يكون عندك حجه واضحه

مو عشان البنت (لاني مقتنعه تماما ان وضعها مريب وعندها ماتخفيه و لو لم يكن علاقة او خيانه .. لكن اللي واضح لي انها لا تهتم بك و ليست صادقه معك وهذا سبب كافي بحد ذاته , وقد يكون عندها اسباب اخرى المهم ان الوضع مو مريح ابدا) ..

بس انا ابيك يكون معك حجه ودليل .. عشان نفسك .. عشان تروح وانت كاره (طايبه نفسك) ومقتنع و ماتتمنى ترجع لها بيوم

فاهم علي ؟

ألـــزم ماعليك .. راحتك النفسيه و اقتناعك التام بإختيارك وقراراتك

ماراح نلومك على طريقة الخطبه لان الكلام في شي ماضي نقص في العقل .. الموضوع تم و انقضى

عموما ماانصحك ابدا بالنقاش والحوار معها .. اولا لانك ناقشتها كثير و مانفع ... وثانيا لانك ماراح توصل لنتيجه

هي راح تنكر اكيد و مستحيل تعترف .. و مااعتقد بتتعدل .. وحتى لو خافت وعدلت سلوكها .. الشك اللي داخلك بيلازمك طول عمرك ومع كل موقف حتى لو صغير بيتجدد ويصحى ..

و تأكد ان الحب الصحيح لا يسبب العذاب .. و ان الافعال هي مصداق الاقوال

ممكن تلاقي اي احد في الشارع يقول لك كلام حب .. وممكن تصدقه ..!!

بس من اللي فعلا يحقق هالشي ويثبته بأفعاله ؟؟

من يهتم ومن يضحي ومن يعطي ؟؟

عموما

اذا ماتقدر تراقبها بنفسك .. كلّف صديقك بمراقبتها .. و اذا تأكدت من وصفها ..

خبرها بالموضوع : انا شفتك اليوم في الوقت الفلاني طلعتي مع السيارة الفلانيه وكنتي لابسه كذا وكذا .. الله يستر علينا وعليك و يله مع السلامه .. لا تعطيها فرصة للتبرير او الضغط عليك بالعاطفه

او راقب رقم تلفونها عن طريق شركة الاتصالات

اكيد بتكون محولة رصيد من رقمها اللي انت تعرفه لارقام ثانيه تخصها .. او اي شي ثاني

المهم لازم تمسك عليها دليل ... لانك لو تركتها بدون ماتتأكد راح تتعب وتعاني وتندم

او اذا مره ما في يدك شي .. ممكن تقول لها .. انا عرفت عنك كل شي .. واحد من اللي تكلمينهم اعرفه شخصيا .. وانا راح استر عليك و انهي موضوع الخطبه بسلام و من هالكلام وكأن بيدك دليل يدينها صدق ..!!

وشوف ردة فعلها الاولى ....

والله يبين الكاذب من الصادق

ويبين اللي خايف من شي واللي واااضح وكتاب مفتوح

اخوي الكريم خاطب محتار بإختصار ( دع ما يريبك الى مالا يريبك )

اتمنى ان ردي هذا ما يكون قاسي او جارح .. ولكن تأكد ان هذي مجرد عقبه وتجربة راح تستفيد منها الكثير .. و ان الجاي بيكون افضل واحلى و اجمل بإذن الله .. و ان كل مشكله او هم .. بين طياته وثناياه خير كثير ستكتشفه لاحقا

وراح تحب وتنحب وتتزوج ... فـ لا تعلق حياتك وسعادتك بيد مخلوق ابدا ..

حب نفسك و اعرف قيمتها و راح تجذب حب الناس لك و بتلاقي شريكة حياتك اللي تستحقك وتستحقها فعلا ..