اشكر كل الذين مروا على موضوعى ودعوا لى جزاكم الله كل خير
ولكن للأسف مازالت المشكله قائمه ذهبنا لطبيبة بالأمس وكنت ادعوا الله طول الطريق ان تتفهم مشكلتى وتهدىء زوجى ولكن للأسف طلعت افظع من الدكتورة اللى قبلها وقالتلى امام زوجى زوجك صبر كتير وفيه ناس بتيجى من اول ليله لو معرفوش يفضوا البكارة وبتكون مصيبه
وقالتلى لحد دلوقتى محصلش جماع دى فضيحة!!!!!!!!
لو بنتى كنت ضربتها
وقالتلى انتى كده بتخربى بيتك
طبعا مش محتاجه اقلكم على تأثير الكلام ده على زوجى
بعد ماكان قلبه لان وبقى كويس معايا اتقلب تانى وبيقللى شفتى؟الدكتورة دى كمان مش بتفهم؟
وقاللى انا طاوعتك وجيت معاكى عند الدكتورة عشان تعرفى انك بتدلعى
وطبعا المعامله اختلفت من ساعتها
مع انى بعامله احلى معامله بس حاسه انه حاسس انه مظلووووووووووم ومحملنى الغلط (طبعا بعد كلام الدكتورة )
المشكله ان حصلت محاوله قبل مانروح للدكتورة وكالعاده اتألمت جدااااااااا وفضلت فترة موجوعه انا فعلا مش عارفه اعمل ايه
المشكله مش فى الألم المشكله انو محدش مصدق ان رد فعلى اللى بعمله وبشد نفسى ده لااااااااا ارااااااااااادى انا فعلا مش عارفه اعمل ايه
انا مقدرش افتح معاه سيرة دكاترة تانى ولا حتى سيرة حسد لأنو بيقللى طلعى الموضوع ده من مخك وبيزعقلى اذا فتحته
انا حاسه ان الدنيا كلها ضدى لو حصلت محاوله تانيه وفشلنا فعلا هتبقى كارثه استغفر الله العظيم
انا تعبت ياربى وعارفة انى وجعتلكم دماغكم بس انتوا متنفسى الوحيد والا هطق
احنا كملنا 3 شهور والنفسيه فى النازل الحمد لله على كل حال
__________________
{ربي إَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ}
التعديل الأخير تم بواسطة *عروس حبيبى* ; 02-07-2009 الساعة 09:13 PM
02-07-2009, 09:07 PM
ضوابط المشاركة
العرض الشجري