أحبه لذاته وأكرهه لتصرفاته
ماني عارفة كيف ابدأ او بالأخص من فين أبدأ
ماعندي أي مشكلة وماأدري هيا مشكلة ولا لأ..
حاسة إني ماني قادرة أكمل مشوار حياتي..
حاسة إني تعبت خلااااااااااااااص..
يمكن تقولو إني متعذبة..أو بنضرب كل يوم..
الحمدالله أنا بعيدة عن دا كله..
واللي أنا فيه أعتقد أي وحدة تقدر تتحمله ..
بس أنا ماني قادرة..
وحاسة إنو شخصيتي معد هيا شخصية أصلا..
بالعربي صرت بدون شخصية بسببه..
بسببه صرت عايشة حالة نفسية سيئة..
يانااااااااااااس أحبه ويحبني..
أموووووووت فيه ..ويمووووووووووت فيه..
بس محد قادر يفهم التاني..
وكل واحد فينا يبغى يمشي رأيه .
وكل واحد يعتقد انو كلامه هوا الصح..
كلنا عارفين دا الشي..
حاولنا نتفاهم كتييييييير...
بس مافي فايدة ..دايما نطلع بدون اي شي..
المهم ..حبيبي كان كل شي في حياتي ..
بالرغم من إننا كدا بس كتير من الأحيان انا اضغط على نفسي كتيرعشان أسعده
وممكن أذل نفسي عشانو..
أحبه بمعنى الكلمة..
كان معايا إنسان حنووووووووون
إنسان كله مشاعرررر.
هدا اللي كان محببني فيه..
لإنو دا الشي اللي أنا أحتاجه منه..
بعد سنتين من حياتنا فكر إنو يكتر دخله..
دخل في مشاريع...
طبعا أنشغل عني وأبتعد عني..
ولازم زي أي وحدة انها تقدر اللي بيسويه جوزها عشانها
وعشان أولادها..
بس الحااااااااال مرررررررا زااااااااااااد.
صار منشغل عننا بزيادة..
كل عقله الشغل..معد يفكر فينا ..
أحس عمله صار إدمان عنده..
من جد إحسه مدمن عليه,,
يغيب عننا طول اليوم مايفكر يتصل يطمن علينا..
أكون محتاجة أكل لبنتي ينسانا وعقله كله شغله..
معد يفكر انه يحن عليا او يحسسني انو يحبني.
أصلا أنا معد اتوقعها منه وحتى لوجات منه معد صرت أحس بحبه..
معد في مشاعر أو أي حب بيناتنا..
معد صرت أحبه مثل أول..
وإذا عاتبته حجته إنو أنا أجي تعبان وشي طبيعي محا أفكر في شي غير النوم..
طيب وأنا ..إذا طول النهار برا البيت وفي الليل نايم..
متى وقتي؟؟
إهمااااااااال شديد ليه..
أصلا جلوسه في البيت للغدا والعشا والنوم فقط.
مستحيل أتهنى بجلسة معاه..
أصلا مستحيل يفكر إنو يجلس معايا..
واذا جلس في البيت في أوقات غير الغدا والعشا يجلس يامكالمات يا عاللاب توب عنده شغل..
أصلا كرهت وجوده في البيت بدا الحال..
حاسة إني ماني قادرة أتحمله بدا التجاهل..
متجاهلني وحاططني في القائمة السودة أو في الهامش..
أنا تعبت لأنو ماكان كدا عودني على شي وبيصير شي تاني..
حاولت أتأقلم عالوضع ماني قادرة..
فكرت إني أقله:/ ياتوفق بيني وبين شغلك؟يا أنا يالشغل..
من جد ماني قادرة..
وبرضو صاير إنسان أناني جدا أهم شي راحته فوق كل شي..
المهم أنا ماني عارفة كيف اتصرف معاه..
أتكلمت كتييييييييير ومافي فايدة..
03-07-2009, 03:52 PM
ضوابط المشاركة
العرض الشجري