طبعا يا حبيبتى كلنا هنا نتمنى نساعدك .. و أكيد هنفرح لما تكونى أحسن حالا.
وبالرغم من إن موضوعك ماهو إلا
؟
لأن فيه حاجات كتير مش مفهومة زى شكل علاقتك بأهلك ( والدك ووالدتك و إخواتك البنات ) ، دخولك فى عالم الماكياج والتجميل دا شغل ولا دراسة ولا هواية ؟والناس اللى عندك على المسنجر دول ليه بيقولوا لك الكلام ده ؟ و إزاى يكونوا تربويين و إنتقاديين ؟ و إيه مفهوم الإحترام وعدم الإحترام عندك ؟ و يا ترى إنتى مقتنعة إنك مريضة نفسيا؟
دى أسئلة كتيرة جت على بالى لما قريت موضوعك ، لكن أكتر حاجة لفتت نظرى جملة ( أبعطيها خبرتى فى التجميل بس تكون وفية )
هل تعتقدى إن خبرتك فى التجميل ( مهما كانت كفاءتك ) من الممكن إنك تساويها و ( تقايضيها ) بصفة زى الوفاء ؟
عارفة ؟ الجملة دى إتكتبت منك بتلقائية ... و هى بتوضح إنك لغاية دلوقتى ماقابلتيش حد أعجب بشخصيتك أو حبك علشان شخصيتك ( أنا بقصد علاقات إجتماعية محترمة كصداقة أو زمالة أو جيرة ) ولغاية دلوقتى إنتى مش قادرة تكتشفى فى نفسك إيه هى الصفات الكويسة اللى جواكى اللى الناس هتحبك علشانها؟
بالرغم من إنى واثقة إنك جواكى صفات جميلة أوى .
كبداية : ياريت تبدأى تتصالحى مع نفسك وتنسى الكلام اللى بيتقالك ( زى تناقض فى الكلام أو مريضة نفسيا ) لأن الواحد لما بيهين حد مش بتكون الإهانة موجهه لهذا الشخص أد ما هى تعبير عن اللى جوا البنى آدم اللى بيهين و بتوضح نفسيته مش أكتر .
وياريت كمان تبدأى تحبى نفسك لأنك عمرك ما هتلاقى حد يحبك طول ما أنتى مش بتحبى نفسك.
إحنا معاكى هنا فى أى حاجة محتاجاها . و ياريت نكون عند حسن ظنك بينا.
06-08-2009, 07:42 AM
ضوابط المشاركة
العرض الشجري