الله يعطيك العافية اخي الكريم ويجزاك الخير على اخذ زوجتك واطفالك لبيت اهلها ليرفهوا عن انفسهم
ناخذ مشكلتك نقطة نقطة بارك الله فيك
المسأله كلها انك كنت غاضب وانت تكلمها واستفزيتها وهي استفزتك ..
وكلمه منك وكلمة منها تسرعت الله يهديك وقلتلها ممنوع تطلعين وتروحين بيت اهلي كعقاب لها
وهي بعد ما قصرت وعاندت والمفروض منها تقولك حاضر وعلى امرك على الاقل حتى تهدأ .. وانا متأكدة انك ما كنت رح ترضى انها تنحبس وهي باجازة وإلا ما كنت وافقت انها تروح بالمقام الأول
شوف ياخوي..الحل ماهو بالزواج الثاني وراسك باذن الله دايم مرفوع
تبي رأيي كإمرأة ..
دام تدخل فيها عمك الله يطول بعمره من رأيي تكلمه وهو رجل ورح يتفهم غضبك ورح يمنع بنته من الذهاب الى الزواجات والطلعات كلها بدون اذنك .. فلا يوجد اب يرضى ان تتبهذل بنته وتتطلق بكل تأكيد
وانت الله يهديك .. التراجع عن كلمتك ما تنزل راسك ولا تخليك بموقف ضعيف بالعكس .. بين لها انها تهمك
والمرأة تأسرها بكلمة طيبة
وانا متأكده انك تحبها وهي بعد تحبك
عطها وانا اختك اذن غير مشروط انها تطلع مع اهلها لأي مكان ترغب فيه
الاجازة تجي مرة بالسنة .. وهي مع اهلها خلها تطلع وتنبسط علشان ترجع لك وهي بنفسية حلوة
انا زوجي لما يودينا بيت اهالينا انا وطبينتي يخلينا على راحتنا .. نرسل له مسج اننا رايحين المكان الفلاني لكن الاذن معطينا اياه مسبقا.
وباذن الله انها قد الثقة .. وما تبي إلا رضاك
الله يهديكم ويصلح بينكم ويظللكم برحمته
__________________
اللهم ارزقني بالذرية الصالحة يا رب
08-08-2009, 12:29 AM
ضوابط المشاركة
العرض الشجري