انا هحكيلكم عن تجارب شوفتها في حياتي وواقعي

واحدة صديقة اختى ادب واخلاق وجمال ومتفوقة علميا ودينيا لم يتقدم لها عرسان الا نادرا حتى وصلت الى التلايننات من عمرها
وراحت العمرة في رمضان قبل الماضي
ولما رجعت اتخطبت على طول واتجوزت في الشهر التاني على طووووووول .
ربنا رزقها راجل عمرها ما خلمت بكدة وسيم ومركز وملتزم واخلاق وابن ناس ماشاء الله تبارك الله وعايشة سعيدة ماشاء الله


كمان اعرف واحدة حماتها صممت تفسخ خطوبتها بعد ما ابنها أخفى عمر خطيبته عن امه وكانت البنت دي بتحب خطيبها اوى ووكانت امه رافضها لان عمرها تخطى 35 وزيادة قالتها هو ابنى يتجوزك لية هيقضى عمره يلف بيكى على الدكاترة عشان تجيبي حتة عيل ......فراحت البنت العمرة ورميت حمولها على الله بعد ما تركها خطيبها في الاخر بسبب ضغط امه على فسخ الخطبة ولما رجعت الحمدالله بعد اسبوع واحد اتخطبت واتجوزت لراجل فاضل ونعم الرجال وانجبت منه كمان ماشاء الله تبارك الله


في واحدة جارتنا عندها مس جني عاشق ونطق لما كانت بتعمل الرقية الشرعية ومش راضى يخرج وكانت كل عريس يحضر يشوفها الرؤية الشرعية يعجب بيها جدا وفي الاخر ما يرجعيش ابدا وفضلت كدة لحد ما وصلت 39 عاما
في فبراير الماضي اخوها طلعها عمره هى وامها .........كانت كل ما تدخل الحرم يحصل لها نزيف شديد تخرج برة الحرم النزيف يقف ترجع تغير هدومها كلها وتدخل الحرم وتبدا بالعمرة يحصل نزيف اشد اشد رجعت الفندق غيرت هدومها تانى مرة والنزيف وقف وتستنى ساعة ساعتان مفيش نزيف تنزل مع امها تالت يبيدا النزيف يشتغل وهى جوه الحرم بشده لحد ما يغمى عليها وكانت ما بتأكليش ولا تشرب غير المياة وفي الاخر اخوها راح سأل شيخ في الحرم قاله تدخل عادى ليس عليها حرج وقالها تعمل اية وما ما تعمليش اية وفضلت مقااااااااااومة وتبكى بحرارة وتدعي جامد وتفضل للحمدالله تسبح وتكبر وتحمد ما تخرجيش ابدا من حرم الى فندق والعكس لحدما حسيت بخروج شىء من جسدها وهى في الحرم وفجأة النزيف وقف خالص ورجعت بهمة ونشاط ولما رجعت مصر سبحان الله تقدم شخص من اصل طيب وعازب
راجل طيب والحمدالله وزفافها في العيد الكبير ادعولها يا جماعة
كلها ارزاق .............وعقبال كل البنات المسلمين والمسلمات

__________________
يارب لقد ضعفت ولا غيرك يقويني...لقد يئست ولم أفقد فيك يقيني ... لقد ضللت ولا سواك يهديني ... لقد غرقت وأنت وحدك منجيني ... يارب ارحمني في لحظة ضعفي وابعد عني شيطاني ونفسي واهدي لي قلبي وعقلي واغفر لي خطيئتي ويأسي