شاركنا بتسجيل معتقداتك الطفولية ومعتقدات أطفالك

11-08-2009, 01:57 AM

#18

أم يوسف2

كبار شخصيات المنتدى

تاريخ التسجيل: Sep 2003

المشاركات: 8,245

وجعتني بطني من الضحك .. الله يسعدكم دنيا و اخره ...

الحين تذكرت كم من شي

>>> شكلي كل شوي بنط عليكم

مو بيدي الذاكرة ترجع بالتقسيط الممل

من معتقداتي انه اللي فيه عمى الوان يشوف الدنيا ابيض و اسود بس

وظل عندي هذا المعتقد لغاية ما كبرت و صرت بالثانوي

كنت احسب انه اللي عيونه خضرا يشوف الدنيا خضرا و الي عيونو زرقاء يشوفو كل شي ازرق و كدا

كنت اسمع عن الاصبع الزايدة .. و احسب انها اصبع تطلع باليد ...
وبعد فترة اتعورت بظهر ايدي وصارت علامة .. فا انتهزتها فرصة و كنت اقول لزميلاتي بالمدرسة
شوفوا هذه العلامة .. طانت اصبع زايدة .. كان عندي اصبع زايدة طالعة من ظهر كفي و بعدين اخذوني وسوو لي عمليه
و البنات مساكين كانو يتعاطفوا معي و يقعدوا يسألوني اووو يوجع .. و انا انواع القصص الخيالية

كنا مفكرين البيبي يطلع من السرة ... كانت امي تقول لنا لما تحمل الحرمة و يصير بطنها كبير و يصير وقت طلوع البيبي
ربي ينزل ضوء من عنده للسرة تقوم تنفتح و يطلع درج و ينزل البيبي >>>> صار مسافر نازل من طيارة مو بيبي

لما كانت تطيح الاسنان .. كنا نستنى لما تطلع الشمس اليوم الثاني و نرمي السن للشمس و نقول يا شمس
يا شمس خذي سنتي و اعطيني سنة ذهب

على بالنا بتطلع لنا اسنان ذهبية زي اللي عند جدتي

الله يسامحها جدتي زرعت فينا هذا المعتقد

الله يهديه خالي كان مسافر لفترة و بعدين رجع لارض الوطن و جاب لنا هدايا كثثير ... بعد فترة قعد يقول لنا لسه في هدايا كثيييييرة لكم ... و لما نسأل وينها يقول بتوصل بالشحن ... ووين الشحن طول سنييييين و احنا نستناه
سنيين وهو يكذب علينا .... لا وكان يقول انا اتزوجت و عندي ولد شعره ذهبي و عيونو زرق .. ان شاء الله بيجي بالشحن

ومن سنة لسنة .. لغاية مافهمتنا امي ...

كان عندنا اعتقاد انه اللي فيه قمل يصير مجنون لانه القمل يمص دمه

.. و لما يصير فينا قمل و ياكثر المرات اللي كان يصير فينا

كنا ننجن من البكاء على اعتبار انه خلاص ايام عقولنا معدودة

اعتقاد ثاني انه لو اي شي طاح للارض معناه انه الجني لحسه

فا ما ناخذه لو ايش ما كان >> ماعدا الفلوس

مرة جدتي رحمها الله ارسلت خالي يشتري لها حبة البركة .. احنا نسميها 00 حبة سودا00
راح خالي و قال لصاحب المحل اعطيني حبة سودا ... فالبائع اعطاه كيس مليان ..
قام خالي يقول لا لا مابي كيس كامل امي قالت لي جيب حبة وحدة

بس اعطيني وحدة

طبعا البائع قعد ضحك .. و خالي رجع البيت خالي الوفاض

ما اقتنع بكلام البائع

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

التعديل الأخير تم بواسطة أم يوسف2 ; 11-08-2009 الساعة 01:59 AM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه