عقدة ابي من زواجي ! - منتدى عالم الأسرة والمجتمع

20-08-2009, 09:12 PM

بنت الحلوين

عضو نشيط جدا

تاريخ التسجيل: May 2008

المشاركات: 441

عقدة ابي من زواجي !

السلام عليكم ورحمة الله وبركااته
كيف حاالكم اعضااء منتداي الغالين على قلبي وقسمي خصوصاا
وأحب اهنيكم بقدووم شهر رمضان المبارك

فتحت هذا المووضوع للفضفضه قبل ان يكوون للبحث عن الحل
في البدايه لمن لايعرف قصتي انا مطلقه جلست فترة سنه عند اهلي وتم الطلاق النهائي (خلع ) قبل ستة أشهر تقريباا
والحمد لله مرتااحه كثيراا ..
وأحمد ربي ليل نهاار على النعمه اللي أنا فيها لأني قبل كنت اذا دخلت منتدى وشفت قسم خااص للمطلقات تدرون وش كان اول مايخطر على باالي ؟؟
كنت أحسها اهانه ...!!
وهذا كله بسبب المجتمع ...
لكن صدقووني المطلقات هم من وضعوا انفسهم بهذا الوضع
وأستغرب من بعض الموااضيع من المطلقات اللي يحسوون انهم خلاص انتهت حيااتهم !!
انا لي حكمه في الحيااة والحمد لله فادتني كثير تدرون ايش هي (لازم النااس مايعرفوون نقطة ضعفك )
لأنهم رااح ينكدون عليك عيشتك ....
رااح أضربلكم مثال وااحدة من قريباتي كان كل ذريتها بنات وطبعا النااس مايصدقوون خبر كل مااشافوها بداال مايواسونها يزيدوون (الطين بله) ويخوفونها من زواج زوجها بالثانيه عشان الأولاد
لكن كاان يعجبني اسلووبها وكانت تسكتهم بردودها
كانت تقوول : (بالعكس البنات أبرك من الأولاد على الأقل البنات حوالي ولاأخاف عليهم مثل الأولاد وألاحقهم في الشواارع
وبعد البنت تكوون باره في أمها أكثر من الولد ودايما كانت تقوول أنتم وش فاادوكم أولادكم ..! وزوجي هو رااضي ويحب البنات أكثر)
ووالله مع مروور الوقت صاارو النااس يحسدوونها

وطبعا اللي في قلبها غيرر عن اللي في لساانها ...
وسبحاان الله رزقها الله في الولد لأنها كانت صاابره ومحتسبه وأكيد كانت تدعي ربها وماألتجأت للناس ...

اسمحوولي طلعت عن المووضوع .. لكن تحملووني اذا انفتحت في الكلام ماأسكت

اللحين ندخل في صلب المشكله .. بما ان خبر طلاقي انتشر بدأالخطاب يتقدمون :14:
بصرااحه انا ابدا مو مستعدة للزواج اللحين ومومستعجله عليه
وماودي ارتبط الابعد التفكير والتحليل >>>الله يعينه اللي بيتقدم لي
المشكله مو هنا المشكله في ابووي الله يحفظه
والله كأنه هو اللي متطلق مو انا جاايته عقده من الزواج موطبيعيه
لأنه حااس بالذنب وتأنيب الضمير ويحس انه هو السبب في اللي صاارلي لأنه تسرع وماسأل عن زوجي السابق
الحمدلله انا يتقدمولي عدد لابأس فيه وأغلبهم عزااب
لكن مايتحمس ابداا امي مسكينه هي اللي تبغى تزوجني اليوم قبل بكراا..

واذا فاتحته امي بموضوع خطبتي وبدأت تسرد المواصفات يرفض لاتفه الأسباب ....!! ولاكأني موجوده

المشكله انه الله يحفظه شاايف فيني شووفه!!
يقوول ماراح أزوجك الادكتوور او ضابط

اوتاااجر عشان يعوضك عن اللي رااح ...
وانا اصلا موهذي امنيتي ابداا انا أهم مااعلي الدين ...
والسبب الأول والرئيسي الل خلاني انفصل عن زوجي تقصيره بأمور دينه..
انا مومستعجله ابداا على الزوااج بس اللي قاهرني انه ماايحاول حتى يسأل اخااف يزودها بالتشرط ومااعاد يتقدملي احد خااصة انه وضعي حالياا حسااس .....

اسمحولي اذا طولت عليكم.....
انتظر ردوودكم ...

__________________

التعديل الأخير تم بواسطة بنت الحلوين ; 20-08-2009 الساعة 09:18 PM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه