السلام عليكم ورحمه الله وبركاته،
اختي الفاضلة شروق،
قبل ما تفكرين بالزواج من شخص لازم تفكرين في مسأله التوافق وهي مهمه جدا...
يعني مثل ما الواحد يفكر في الاخلاق والدين لازم يفكر في نواحي ثانيه، مثل التوافق المادي والثقافي والاجتماعي واللي هو من اهم الامور اللي لازم تؤخذ بعين الاعتبار...
مثلا لو تزوج رجل فقير بنت غنية جدا، احتمال ان ربي يوفقهم وتصير حياتهم سعيدة، لكن في الغالب هذا الشي ما يصير...
ومعليش بدون عنصرية وكلنا عيال ادم وحواء، لكن لو انسان من عائلة معروفه ومن قبيلة معروفه وفكر انه يتزوج وحدة خضيريه او من عائلة غير معروفة حتى لو وافقوا اهله وهو راضي 100% هل تتوقعين الناس بيتقبولنها ويعاملونها المعاملة اللي تستحق ان تعملها زيها زي اي بنت ثانيه، طبعا لا...
اختي الكريمة انا ما نعيش في مجتمع مثالي، والمجتمع اللي نعيش فيه تحكمه عادات وتقاليد تمشي علينا وعلى غيرنا سواءا قبلنها ولا ما قبلنها، لا تقولين لي انا ما عندي مشكلة، لان مع معاملة المجتمع الغير عادلة بيجي اليوم اللي تتندمين على اتبراطكي في هذا الشخص...
اختي الكريمة انا اعرف صديق لي قبيلي تقدم لخطبة بنت خضيريه اهلها رفضوه لانه قبيلي، والله يوم قالي القصة صراحة كبروا في عيني، ليش لانهم ناس فاهمين وعارفين ان بنتهم يمكن اهل الزوج والمجتمع ما يعاملونها بطريقة اللي المفروض تعامل فيه اي بنت او اي زوجه...
بعدين اللي يضحكون على مسأله العيال ويقولون ليش اصلا تفكرين في هالشي، انا اعرف شخصيا اكثر من شخص اجبرتهم الظروف بالزواج من اجنبيات، او من عوائل غير متوافقه مع عوائلهم، والله العظيم يا اختي ان عيالهم لو تشوفينهم يكسرون الخاطر مضايقات في المدرسة ومن الاقارب وفي الشارع وفي كل مكان...
معليش مع احترامي للجميع لكن مساله التوافق في النسب مهمه جدا جدا خصوصا في مجتمعنا، اختي اذا الان كل منطقة عندنا في السعودية مثلا لها عادات وتقاليد لدرجة بعض العوائل من نفس القبيلة بس ساكنين في منطقة تختلف، الواحد يفكر 100 مرة قبل لا يتزوج منهم...
انا والله انصحكي انكي تفكرين بدال المرة الف، لان معليش اختلاف لون البشرة ترا مهوب شي بسيط ابدا...
والاخوان اللي يقولون عادي بكل امانه اتصور يانهم ردوا بس كذا او انهم سمر
او من خارج دول الخليج...
وموفقه ان شاء الله...
02-09-2009, 01:41 AM
ضوابط المشاركة
العرض الشجري