و الله أنا اللي قلبي تعب من أسلوبك معها

سامحني يا خوي ، لكن يا بخت مين بكاني و بكى علي و لا مين ضحكني و ضحك الناس علي

1 - بنت عاشت مع أمها و أبوها و لا تعرف شئ عن مسؤوليات البيت و الزوج و غيره و تعرف إنت إنه الزمن هذا مو زمن جدي و جدتي و حتى إنت مو مثل أبوك و جدك ، فطبيعي جدا إنه أي وحدة راح تتخيل الحياة الزوجية كلها رومنسية و رحلات و تمشيات و مطاعم ، مثل الأفلام

2 - لا بينكم مكالمات و لا شئ قبل الزواج ، لا تعرفها و لا تعرفك و تبغاها على طول تتعود عليك ؟
و الله العظيم إني حزنت عليها

3 - صلاتها و تبرجها ، هذا مو ذنبها ، إنت جيت و دقيت باب بيتهم و كان المفروض من البداية تتكلم مع أهلها عن الموضوع هذا و تهتم فيه و لا تبين لهم ، و لا راحت السكرة و جات الفكرة ؟

إنت وظيفتك و واجبك ألحين :
إنك تحتويها و توجهها ، إيش فايدة الإلتزام و العلم اللي عندك إن ما حاولت تنفع و تفيد زوجتك ؟

4 - أمك تكلم أمها ؟؟؟؟؟؟؟؟؟؟؟؟؟؟؟؟؟؟؟
معليه ، هذا مو تصرف شخص مسؤول و راعي لبيته ؟

أمك تحس و تشعر بك من غير ما تتكلم ، بس مالها حق تروح و تكلم أم البنت
و طبيعي زوجتك ما راح تحبهم و راح تاخد موقف و إنت اللي بتعمل و تزرع الشئ هذا بيدك

5 - إنها ما تطبخ و لا تغسل و تكوي ووو إلخ
لا تقارنها بأمك عشان هي لا تقارنك بأبوها

و كويس إنه لسه شهرين ، هناك اللي يجلسوا سنة و إنت أبدأ معاها حبة حبة و أصبر عليها

عالعموم ، حاول تكون نظرتك أوسع من كذا و اقرأ كثير عن كيفية معاملة الأنثى و التعامل مع رقتها
لا بالأوامر و النهي و غيره

و باين عليها إنها تبغاك تعطيها حب و حنان ، لكن إنت ما فهمتها و قلت إنها بس تبكي ؟؟؟؟