كيف نعرف توجهات الشريك وافكاره .. قبل ما نرتبط فيه ؟
صباح النور اخواني واخواتي ..
هذا موضوع كنت دايم افكر فيه ..
واقارن بين زواجاتنا وزواجات الغرب ..
الغرب ما يتزوج الشخص الا عارف
اهتمامات شريكه وافكاره واخذه عن كامل اقتناع
بس عندنا .. تروح فترة الملكة برومنسيات مصطنعة
ولا طاح الفاس بالراس(بعد الزواج ) تبدا الامور تنكشف
وتبدا معها الحروب .. وممكن توصل للطلاق لا قدر الله
الي شاغلني : شلون اعرف افكار زوجي المستقبلي
وتوجهاته وميوله .. قبل ارتبط فيه ؟؟ طبعا مستحيل اسوي
سواة الغرب .. اتعرف عليه واحبه .. انام معه واجيب بيبي ..
بعدين اتزوجه !! 
ومستحيل اسوي سواتنا .. اتزوجه ..انام معه واجيب بيبي
بعدين توي اتعرف عليه !
يا ترى هل في طريقة اعرف فيها زوجي من كل النواحي
قبل مايطيح الفاس بالراس ؟؟! عشان اوفر على نفسي
العبا المعنوي واوفر عليه العبا المادي .. وتكون طريقة
ترضي الله تعالى ومافيها تجاوزات ؟؟ طبعا مكالمات قبل
الزواج وطلعات وشغلات ماترضي ربي الله يبعدنا عنها مابيها
النت ومواقع الزواج .. ماني مقتنعة فيها كامل الاقتناع
خصوصا ان فيها فرصة كبيرة للتصنع والكذب
لقيت بعد التفكير ان انسب طريقة .. اني اعتبر فترة الملكة
هي فترة التعارف .. املك عشان يحل لي شرعا اكلم الرجال
واشوف نقاط التوافق بيننا .. واذا ماقتنعت فيه اتطلق منه
يعني اضحي بلقب عازبة واصير مطلقة قبل الدخول ..
احسن من اني اكذب على نفسي (زي ماكثير ناس تسوي )
لا شفت فيه شي ما يعجبني واستمر لين مايطيح الفاس بالراس
واحسن بعد من اني اكلمه واطلع معه قبل الملكة
وبكذا اكون خسرت رضى ربي ..
فوش رايكم ؟؟
11-10-2009, 09:16 AM
ضوابط المشاركة
العرض الشجري