قصة زواجي التي انتهت بالطلاق و وضعي بعده - منتدى عالم الأسرة والمجتمع

06-12-2009, 04:26 PM

#11

رمش وأهداب

عضو جديد

تاريخ التسجيل: Dec 2009

المشاركات: 41

تابع

أيام العزا كلنا مجتمعين في بيتها

الشباب والرجال عموما" كانوا يدخلون لصالة النساء
في الليل بعد مايروحوا الناس
اللي يسلم على أمه واللي يسلم على جدته
واللي توه واصل من منطقة ثانيه يعزي أم المتوفاة وخواتها

أنا كنت أرجع للبيت مع أبوي وأخواني
وأمي تنام عندهم
وأنا أسكر غرفتي وأبكي
أتصلت على شيخ قلت له بإختصار أني تعبانه دعيت على وحده
لأنها أسائت لي والحرمه توفت وأنا تعبانه
سألني بسرعه توفت بمرض
قلت نعم
سألني ظلمتك بأيش؟؟
موضوع كذا<<<ماكان لي خاطر أقول الموضوع
سألني
عن الشرف؟!!!
تقريبا"
لاحول ولاقوة إلا بالله مالك ياأختي إلا تدعين لها وتدعين لنفسك بالمغفرة والرحمه
وتصدقي عنها
حسيت براحه كيف غابت عني الصدقه عنها!!
وبدون ماأحد يدري تصدقت عنها في بناء مسجد وأشياء كثيرة

وفي الصباح كنت آخذ قهوة وشاي وفطور وأروح لبيت العزا
أيام حزينه ثقيلة
الله يغفرلها ويرحمها
في اليوم الثالث من العزا طلبوا مني بناتها أنام معهم
وفعلا أتصلت على الوالد وعطيته خبر أني بجلس مع أمي الليلة

وقررت أنام فوق مع البنات
وأمي والحريم الكبار في الدور الأول

البيت هادئ الكل يحاول ينام
وماأتوقع أن أحد من البنات نام
أسمع صوت بكاء ولاأدري الصوت من أي وحدة !!!!

ماحبيت أضايقهم وأكتفيت بالصمت

على الساعه 12 نزلت بروح للمطبخ آخذ لي مويه
وأنا نازله مع الدرج كنت أسمع اللي في الصاله

واحد داخل عندهم يعزيهم

ويتكلم معهم

عرفت الصوت
وكيف ماأعرفه

(( طليقي ))
رجعت لفراشي وتغطيت بالبطانيه
وبكيت بكيت حتى أن وحده من البنات على بالها أتحلم
( رمش رمش أصحي وش فيك بسم الله عليك سمي
مافيني شئ أتركيني
كيف أتركك
قولي وش فيك؟؟
أقولك مافيني شئ أتركيني
)
جات أختها الكبيرة
مسكتني ودخلتني الغرفه
رمش أنا عارفه تبكين عشان اللي تحت

أي اللي تحت أنا أصلا مانزلت

عيني بعينك
يالله وش فيك أنتي؟؟

طيب خلاص قومي صلي ركعتين وأرتاحي
وقولي الحمدلله
ترى همك مايسوى شئ عند همي
أنا اللي بدير هذا البيت من اليوم
لأن الغاليه راحت راحت يارمش

وقلبناها بكاء إلى الفجر

يتبع

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 05:04 PM.

روابط سريعه