الزرافه وحلمي قؤيب

بجد امركم عجيب زي ما قالت فلافل

اللي يدخل وما يعرفكم يقول ما عندهم عيال الله يكون بعونهم ما يدري انه وحده بحضنها بنت زي القمر عمرها 6 اشهر والثانيه عندها عريس ما كمل سنه و6 اشهر!
ترى ربي يعاقبكم كذا اذا رح تتشكو طول الوقت يعني ما ينعرفلكم حتى لما رزقكم ما زالت الشكوى نفسها مستمره..

ترى انا زيكم اتمنى الحمل السليم المعافى عاجلا غير اجل لكن لازم الواحد يقدر النعمه اللي ربي عطاله اياها ولسه تراها فريش مش لها سنين ..
لا تزعلو مني وربي قلبي على قلبكم بس راعو شعور اللي ربي لسه ما رزقهم وقاعدين بالسنين الى الان هذول ايش يقولو؟؟

اعرف انكم مقدرين النعمه واعرف انكم حامدين ربكم صبح ومسا وعارفه انه غريزة الامومه جياشه عندكم وعندي كمان بس يعني حبيت انبهكم وانبه نفسي قبلكم انه خلاص نرحم نفسنا من ششعور الحرمان اللي معيشين نفسنا فيه وخلينا نحس بنعمة ربنا ونستمتع بيها ...


امنتكم ما تزعلو مني كلنا خوات وهي كلمتين كانت بقلبي ولاني اعرف انكم خواتي قلتها من دون تردد ..

__________________