ازيكم يا قمرات

وحشتونى جدا جدا جدا
معلش غبت عليكم كان عندى ضيوف فى العيد و مكنتش فاضية اهرش لدرجة انى مكنتش قادرة اعيد على صحابى فى مصر

المهم عيد مبارك و راس سنة جميلة هجرى و ميلادى كمان و ان شاء الله السنة اللى جاية كله فرحان مع بيبيهاته يا رب



دلوقتى جه وقت الردود


اول واحدة دودى دبدوبى
بصى يا قمرة انا عاوزة اقولك على حاجة فى موضوع اهل جوزك دول
اولا ربنا يهديهملك يااااااااااااا رب

بس عاوزة اقولك على حاجة انتى غلطانة انك سألتى على سلفتك بتصلى و هى قاعدة ليه
اللى يصلى يصلى و هو قاعد واقف حتى لو نايم انتى مالكيش دعوة
بصى يا ست البنات احنا بجد وضعنا حرج و حساس جدا جدا
حتى اذا الناس بيعاملونا عادى احنا منعاملهمش عادى تجنبا للاحراج
بصى انا طول 6 سنين جواز عمرى ما سألت حد حامل او حتى واحدة حامل بعد ما بركلتها سألت عليها تانى
بخلينى فى حالى
بصى اى واحدة حامل سهل جدا انها تسقط و عادى و بيحصل و كتير بس اول حاجة حتتقال اه انا سقطت عشان فلانة عرفت انى حامل
و الكلام بتاع الستات المتعارف عليه فى الاحوال اللى ذى دى
نصيحة يا حبيبتى خليكى فى حالك تمااااااااااااااما
و سلفتك متسأليش عليها اصلا
و حتى اذا مقالوش خالص انها حامل مش مهم و لما تولد و تعرفى باركيلها و متبينيش انك زعلانة انهم خبو
بل بالعكس خدى موقفهم و انه كويس انها مقالتش لحد
ربنا يهديهم يا رب و يفرح قلبك و برضو متقوليش لحد




غيرنا طبعا

ربنا يفرح قلبك يا قطة




الزرافة كنت عاوزة اقولك حاجة على حجم بنتك
اذا طلعت بنتك شقرا كانو حيقولو شقرا ليه؟
دى جينات و هى جسمها رفيع عشان اكيد حد من العيلة كدة انتى او باباها او الجدود
فمتتعبيش نفسك فى الموضوع دا
و دايما بقول ان ربنا كرمنا بودنين ودن نسمع بيها و التانية ننفض بيها للى مش جابيين نسمعه
فاديهم على طول ودن التنفيض


حلومة يا قمرة ربنا يكرمك و يفرح قلبك بالحمل يا رب
ربنا بيدى الانسان بميعاد و كله باوانه

تخيلى انى بتكسف انى ادعى ربنا انه يكرمنى تانى؟
بحسنى طماعة و اقول الحمد لله على كرمه عليا بكريم
ربنا يفرح قلب كل مشتاقة يا رب


هموم ربنا يعوض و صدقينى لسة الاوان مأنش
بس الرزق جاى جاى


ام وليد ربنا يكرمك و يفرح قلبك و يتم حملك الشهر دا على خير
يا قمرة الوجع اللى حساه دا عادى جدا دا من التنشيط و من البويضات
انا كنت من كتر الوجع مكنتش بعرف اقعد
بحس انى بدوس على حاجة فى بطنى و انا بقعد
ربنا يكرمك و يفرح قلبك يا رب



ام مرهونى
ربنا يكرمك الشهر دا و يفرح قلبك
بس يا ريت تطمنينا و ربنا يكمرك و يفرحك يا رب


فلافل
ربنا يطمنكم على الغايبين و المطر دا خير
ربنا يكرمك بدعاكى لينا
و ادعيلى انا كمان و ادعى للاستاذ كريم انه يطلع باربينا و انسان صالح


باقى البنالت بحبكم فى الله كلكم


ربنا لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة