شفتى يا قمر نصيحتى ليكى جابت فايده ازاى لما قلت لك اسكتى واتهاجمت نصيحتى ليكى انت اهه بلسانك بتقولى انه هيتجنن من سكوتك
عارفه هيتجنن ليه لانه خايف منك مش عارف دماغك فيها ايه ؟وانتى اثبتتى له انك اسد ماشاء الله
والله يا جبل ما يهزك ريح هههههه اضحكى بقى
انا عارفه مالكيش نفس للضحك بس والله ربنا هيفرجها عليكى
انتى على بكره كده بإذن الله لو كلمك تردى على قد الكلمه يعنى كلمه ورد غطاها ما تطولى فى السكوت لانه هيمل واحنا مش عاوزينه يضربها صرمه يعنى يقول تتفلق بعد الشر عنك لا خللى بينك وبينه شعره معاويه
خليكى زى عمرو بن العاص فى حنكته لما قال بما معناه انه ما بيدخلش فى خطه او معركه ابدا الا وهو حاسب حساباته وعامل لنفسه دايما خط رجعه
لو قال لك عاوز اكلمك قولى له اوكى امتى تحب تتكلم .....لو جه يتكلم قولى له هعمل شاى بقى عشان اسمعك كويس
وخليه يقول اللى فى قلبه كله وما تعلقيش خالص وبعد ما يخلص قولى له يصير خير وبس
هيقولك ما عندكيش رد قولى له لا انت قلت انت اللى عاوز تتكلم وانا سمعتك لما يبقى عندى رد هبقى اقولك

ارجوكى لو فى قلبك غل او حقد او كره او حزن طلعيه معانا بلاش تاخدى وتدى مع نفسك لوحدك كتير

ربنا هيفرجها صدقينى والله هتفرج

__________________