مشكلتي: زوجتي حامل وتطلب الطلاق بشهرها الخامس
السلام عليكم
مشكلتي الله يفرجها لنا بأقرب وقت
زوجتي ماشاء الله ولله الحمد حامل الآن تقريبا بالشهر الخامس وتحس بإلآلآم وأوجاع وطلبت مني الطلاق، الغريبه إن فيها أوجاع ما أدري وشي، والمشكله إنها كارهتني ولا تبغى ريحتي بعد، وطول الوقت تقريبا منسدحه، وهذا أول حمل لها..
قالوا لي الناس يمكن وحم ويمكن عين أو حسد وديتها لشيخ يقرأ عليها تبين أنها تتوجع مع القرأن الله يعجل بشفاءها يارب..
سؤالي: هل كرهها لي يمتد إلى الولاده لأن أغلب الناس يقولون إلى الشهر الثالث ثم يخف الوحم؟، لأنها طلبت الطلاق وهي في شهرها الخامس، وأول كانت ماتأكل ووحمها شديد والحين خف وحمها، ليش تطلب الطلاق في شهرها الخامس؟
أنا وأهلها قلنا لها سبب الكره إما بسبب الوحم أو العين أنتظري إلى الولاده ثم نشوف وش السالفه..
ياجماعه والله إني في حاله مايعلمها إلا الله لأننا ما أمدى تزوجنا ولا أعرف البنت قبل الحمل ، وش تنصحوني فيه؟
أمس أسألها أقولها أنتي تبغيني ولا لا، قالت لي أنا في وضعي هذا أنا ما أبغــــاك..
وش تنصحوني فيه؟
الله لايهينكم أدعولي والله إني في حاله ما يعلمها إلا الله
18-12-2009, 07:18 AM
ضوابط المشاركة
العرض الشجري