بالضبط أختي ، كلام الغالية أميرات صح

إنت في موقف قوة ، بس ما قلنا لك روحي المحكمة وووو إلخ

لإنه مافي لا قانون و لا شرع ، بيخلوك تنحرمي من أطفالك

إنت لو تريدي الشر لا سمح الله ، أو تكبير المشاكل ، فبكل سهولة ممكن تشتكي للقاضي

و لو لا سمح الله طلقك مثلا ، فالأطفال عندك و هو وقتها اللي يطلب شوفتهم

بس ما نبغى نعبي راسك و نكبرها ،، نحن نبغى نصغرها و نعرف أماكن الخلل و نصلحها



1 - إنت شخصيتك راااااااااااااااااااااااااااااائعة و الله ،، لو عندي أخ ، ما كنت تمنيت له زوجة إلا مثلك ..
ماشاء الله عليك ، باين بجد رزينة و طيبة ، بجد حبيتك من قلبي

لا سمح الله ، لو تركك ،، فهو الخسران الوحيد

علشان كذا :

----------------------------------------------------------------

1 - خلي ثقتك بنفسك ترجع ( و قولي .. الحمد لله إني قبلت فيه زوج لي )
لا تقولي ( الحمد لله إنه قبل فيني زوجة له )

شفتي الفرق بين العبارتين و تأثيرها بداخلك

الأولى ، تعطيك ثقة بنفسك ،، لكن الثانية ، تعطيك خوف و انعدام للثقة ..

---------------------------------------------------------------

2 - لا سمح الله ، لو في يوم قال لك بأطلقك ..

قولي له ، طلق .. ماحد خسران غيرك ..
مو تقولي ، لو طلقني فين بأروح ؟ إيش بأعمل ؟ و أولادي وووو إلخ

الهدف :
ما تخليه يمسك نقطة ضعف فيك

------------------------------------------------------

3 - امدحي نفسك قدامه ، دايما .. مو مرررررة تمسخيها عاد هههه

بس مثلا قوليله ، في الزواج شافتني فلانة و سألتني متزوجة و لا لأ ؟
بيني له إنه إلى الآن الناس تتنماك لأولادهم ..

لا تخليه بيوم يستكثر نفسه عليك ..
خليه دايم يقول بداخله ، و الله انا محظوظ لإنها كانت من نصيبي

-------------------------------------------------

4 - في الزواج ، أنا دايما أقول للمرأة ..

إيوة خليك أنانية ، خليك طماعة مع زوجك .. ( بإستثناء المواقف الصعبة )

القصد ، حبي نفسك ، دلعيها ،، أطلبي لنفسك قبل لا تطلبي لزوجك أي شئ
مو تهملي نفسك عشان زوجك ؟؟؟؟؟؟؟؟؟؟

اهتمي في نفسك ، ارقصي ، امزحي ، اضحكي ، البسي ،
الرجال يحب الزوجة اللي تطلب منه ، بس اطلبي منه ( بدلع و بكلمتين حلوين ) و شوفي كيف بيجري عشان يرضيك

---------------------------------------------------------------------

5 - باين عليك ( تضحي كثييييييييييييييييييير على حساب نفسك )

علشان كذا أقول لك ، إذا بيوم تعبانة ،، مثّلي عليه .. بالغي إنك تعبانة .. بدلع أهم شئ
لا تستكثري أي شئ على نفسك ، دلعيها ، حبيها

----------------------------------------------------------------------

6 - إذا حبيتي نفسك ، زوجك بيحبك أكثر ، و أهله يوقفوا عند حدهم ، لإنه باين هم كمان مستضعفينك

و حتى أولادك بيحبوك أكثر ، الطفل يحب يلاقي عنده أم تدافع عن نفسها ، عشان تقدر تدافع عنه