السلام عليكم ورحمة الله وبركاته
انا اول مره ابقولكم مشكلتي واتمنى احصل حل
زوجي انسان محافظ على الصلاه وانسان طيب وخلوق بس عصبي شوي
كان يدخن وتركه من ثلاث سنوات اسهر عنده بس مره بالسبوع بس اذا سهر مايرجع
الاالصبح ومرات ينام وكان الوضع عادي عندي بس مره جا وشميت معها ريحه وكانت تصرفاته
غريبه فشكيت وسكت عشان اتاكد وبديت اراقب وفعلاا اكتشفت انه يشرب الخمر
واحظتها بشهر مره ومرات كل اسبوعين واجهته واعترف وحلف انها راح تكون اخر مره
بس يرجع وعلى هذا الحال وبعدين زعلت وصرت ماكلمه وارسلت له رسايل وبينت له الحكم ونه حرام
بعدين جا وقالي انتي ليش قاعده لي وتحبين تنكدين علي انا ملبي كل طلباتكم والي اسوي مره باشهر
اتركيني على كيفي وذا شربت ترى بنام برى البيت عشان الطريق يكون فيه خطوره علي كل اخوياي
يشربون وحريمهم تاركينهم على كيفهم ليش انتي منكده علي.
وش اسوي اتركه على كيفه اولا مرات افكر اني ابلغ الهيئه وعطيهم رقمه هو ولي معاه لاني اعرف
ارقامهم وخليهم يمسكون ويتادبون وش رايكم