أخوي أعتذر إن أزعجك كلامي أو ردي
و أوعدك إني ما راح أرجع و أعلق ..
لإني ما أحب أظلم أحد بردي ..

لكن مرة تقول إنها تركتك علشان الشقة ؟؟؟
و أنا علشان كذا قسيت في ردي .. لإنه سبب تافه أسمح لي ..

و مرة تقول إنها في صراع داخلي .. ما بين أطفالها و ذكرى زوجها ..
و الصراع هذا كان ممكن تتجنبه من البداية ..

و مرة تقول ، إنها ظلمتني و أنا إيش ذنبي ؟؟؟
و مع إني ما زلت مصرة إنه فترة شهرين ملكة + 3 أيام زواج ..
ليست كفيلة لكم إنتم الإثنين لمعرفة بعضكم البعض ..

----------------------------------------------------------------

عالعموم ..

ردي النهائي .. لو كنت مكانها لا سمح الله ..
و لو عندي زوج أكرمني و عيشني ملكة و ما شفت منه إلا كل خير ..

فراح يكون هذا تصرفي :

1 - ما راح أبحث عن زوج ، و راح أغلق الباب هذا نهائيا ..
خاصة لو كان عندي أطفال في سن المراهقة و أكبرهم 18 عام ..
مثل ما ذكرت الأخت جرين الله يجزاها الجنة ..
( هذه أنا .. )

2 - إذا كتب ربي إني أتزوج و جاء شخص مناسب ..
أفكر مليون مرة ،، ( على فرض بأقول )

لإنه اللي أول مرة تتزوج ،، راح تفكر في نفسها فقط ..
و تكون خايفة من عالم الرجل أو الحياة الزوجية ،، لإنه شئ مجهول بالنسبة لها ..

لكن إمراة عاشت سنوات طويلة مع زوجها و أنجبت ..
يعني ماشاء الله خبرتها أضعاف أضعاف أضعاف خبرتي في الحياة ..
فراح تفكر أكثر و أكثر ،، لإنه المرأة إذا أنجبت فراح تفكر في مصلحة أطفالها قبل مصلحتها
و تفكر أكثررررررررررر و تكون فاهمة أبعاد الموضوع .. يعني مو جديدة عليها الحياة الزوجية ..

فالمفروض إنها فكرت و رتبت الشئ هذا ..

المهم ..
لو كنت مكانها لا سمح الله .. و قلت خلاص موافقة .. ( بأقول افتراضا )

وقتها اللي أعمله ..

1 - أخلص المحبة لزوجي ، و أحبه بكل عيوبه و حسناته ..
و الزوج الأول مجرد ذكرى حلوة ،، بس مستحيل أقارن ..
لإنه إنت غير و هو غير ..

و ما يصير أجيب سيرته إلا لو قصدت إني أقهر زوجي بالقصد .. و بطريقة غير مباشرة ..
عرفت يا سعادة العميد ؟؟؟؟؟؟؟؟؟؟؟

لإنه أنا و اللي ما صار لي متزوجة غير 5 سنوات ..
أدري إنه ما يقهر الرجال إلا إنك تجيب سيرة رجال آخر غيره ..
فخليك فاهم النقطة هذه

2 - جات أغلاط مثلا و هفوات وووو إلخ ..
عادي ، أتحمل وو أصبر و أوجه زوجي و أصارحه و أتناقش معه ..
هذا ميثاق غليظ .. مو من 3 أيام أحكم و أقرر و خلاص ؟؟؟؟؟

3 - مفروض من الموقف هذا ،، و من كلام ولدها ..
إنه أمه إذا قالت ( لأ .. يعني لأ ) ..
إنك تفكر مع نفسك ؟؟؟؟ مثل ما قالت وحدة من الأخوات ..

راح تنبسط في البداية ، إنه هناك اللي تعارضك و اللي هي مختلفة عن زوجاتك ..
لكن ما راح تستمر على الشئ هذا طول عمرك ..
راح تقول لها في الأخير ، كفاية لحد هنا .. وو بيحصل تصادم ..
و ما راح تتحمل أبدا ..

----------------------------------------------------------------

و في الأخير ..
هذه حياتك إنت .. و دامك رحت و كلمت اخوها و الحمد لله ..
و دخلت النساء في الموضوع .. فأتمنى لكم الحياة السعيدة ..

أنا ما أبغى غير الخير لك و لها ..
و كلامي واضح جدا ،، أنا حكمت على أساس لو إنها طلبت الطلاق عشان شقة ..
و إنت قلت إنها كتبت كذا في موضوعها اللي في منتدى آخر ..

إنت حكمت بقلبك و نحن حكمنا بعقلنا .. هذا هو الفرق ..

و أنا كذا قلت اللي عندي ..
و انتبه لا تمل بعد رجوعها و تجي تقول مليت و أبحث عن الرابعة ..

و السلام خير ختام ..

ايه ،،
زوجي سامعة كلامه ، لا توصي حريص ..