السلام عليكم ورحمة الله
اسعد الله اوقاتكم جميعا ... انا متابعة لاغلب مايدور في المنتدى منذ اكثر من ست سنوات ... مادعاني وشجعني للكتابة صفاء القلوب الموجودة والترابط فيما بينهم فجعلها الله في موازين حسناتكم ...
لدي مشكلة
انا متزوجة منذ مايقارب السنة .. اسكن مع والدة زوجي في نفس البيت ... وايضا ادرس ... هذا الزواج الثاني لي ولي طفل وزوجي ايضا الزواج الثاني له وله اطفال من قبل... هو اكبر مني بـ 16 سنة تقريبا
حياتي مستقرة تقريبا ولله الحمد ...زوجي اخلاقه كويسة تقريبا ومتعاون الى حد ما .... المشكلة من وجهة نظري ان زوجي يكذب احيانا كثيرة واكتشف هذا الشي (احس اني محققة دايم اكشفه ) وهو عارف اني اكتشف كذبه ... هذي المشكلة الاولى
الثانية وهي الادهى والامر ... اني اكتشفت انه يدخن ولا قالنا عن هذا الشي ...انا سألته ايام الملكة وقال انا ماادخن وابوي ايضا سأله وقال لا ... انا ابوي شيخ وعلى مرتبة عالية ولم اشم الدخان في حياتي لامن قريب ولا بعيد ...حتى محيطي الاسري مافيه احد يدخن ... (كان زوجي متاكد انو راح نرفضه اذا قال انو يدخن فعشان كذا ماقال) طبعا هو ماتجرأ وقالي ... بس انا اكتشفت (قلتلكم محققة ) يعني هو يحاول يتعطر دايم ويبعد ريحة الدخان بس طبعا مايقدر !!! وانا لاحظت بقايا سجاير ورى البيت يعني يغيب له عشر دقايق ويرجع ...او يقول بروح اشغل السيارة ويروح يحميها ويتأخر ويدخن ..وبعدين يجي بكل بساطة متعطر وكاشخ ويالله بسرعة خلينا نطلع ... هو علباله اني مااكتشفت ..بس انا داريه وساكته ... او بالاصح اخاف اذا صارحته في الموضوع يصير يقول لي : ترى بروح عشر دقايق وادخن وارجع لك ... ااحسه اذا قال لي في وجهي بمووووووووووت ..
المشكلة اني عندي حساسية من الدخان شي مو طبيعي من يوم كنت صغيرة احس اني انكتم لما اشوف واحد يدخن او لما اشوف ريحته ... بزيادة
ملاحظة مهمة : احسه مخبي سالفة الدخان عن الناس كلهم ... لانو لما كنا نسأل عنه الكل قال مايدخن (بس قالوا مدخن سابق وهو بعد قالي نفس السالفة ومخترع لي قصة كييييييف ترك التدخين <<< الله من النصب )
المشكلة الثالثة مثل اغلب الرجاجيل فيه انانية زايدة ... يعني لما اشوفه تعبان انا من نفسي اروح ادلكه و و و .... والمشكلة اكون في احيان كثيرة اترك دارستي بس علشان مااحسسه انو مو مقصرة ... وبالاخير ليته يقول يعطيك العافية ( ماتجي الا بعد التلميح ) لأ يقول يووووووووه كملي الله يعافيك تراني تعبان <<< ياخي احمد ربك اني جايتك وتاركه دراستي علشانك ... يعني يخليني اقول في نفسي ليتني ماجيت احسن لي (فهمتوا قصدي) .... وليته لما يحس اني مشغولة يقدر ظروفي لأ .... ليش ماتسوين كذا .. وليش مانظفتي كويس ....فيه دقة بزيادة (طبعا علي انا مو على نفسه )
الله يعين بس ويفرجها ... كلماتكم كالبسلم الشافي فلا تحرموني منها
عفواً تم تعديل العنوان ليتضح المضمون/ الاشراف
التعديل الأخير تم بواسطة ماريا ; 10-01-2010 الساعة 03:55 PM