اقتباس:
المشاركة الأصلية كتبت بواسطة عزوبي بس رجل
الأخت الفاضلة روعة المعنى
وأين ذهب المعروف بين الزوجين ؟!!! وأين حسن التبعل وحسن المقابلة ...
وهل إذا احسن لها أحد اخر فهل يجب عليها شرعاً رد الإحسان إليه ؟!! أم أن المعروف وحفظ الجميل هو الدافع لإستمرار العلاقة ....!!!!
وإذا كنت متمسكة بالرأي الفقهي فأذكرك بتوجيه النبي عليه افضل الصلاة والسلام لإبنته فاطمة - رضي الله عنها - عندما اشتكت التعب الذي تلقاه من عمل البيت، ولما أتته تسأله خادما فقال : ألا أدلك على ما هو خير لكِ من خادم ؟ تسبحين ثلاثا وثلاثين ، وتحمدين ثلاثا وثلاثين ، وتكبرين أربعا وثلاثين حين تأخذين مضجعك . متفق عليه .
وأنصحك تقرأين مشاركة الأخت الصائمة لله في ذات الموضوع ... ورد الأخ سفير الروح ..
بالتوفيق لك وللجميع
|
هلا بك عزوبي
انا قلت الزوجة ماهي ملزمة شرعا
بشغل البيت فقط ردا على الي يقول
الرجل ماهو ملزم بالصرف على الموظفة
ولا شغل البيت بحد ذاته انا ماعندي
اعتراض عليه سواء واجب ولاماهو واجب
وكل الكلام الي بالرابط للصائمة لله جزاها الله الخير
اتفق معها فيه .. لان مبدئي العام بالحياة الزوجية
كل شي يحتاجه زوجي اسويه سواء واجب
او ماهي واجب .. طالما انا اقدر عليه
هذا على فرض ان زوجي قايم بكل او اغلب
واجباته ناحيتي
اعتراضي ياعزوبي .. على الي يتخلى عن واجبه
الشرعي بالنفقة على الزوجة .. بحجة انها موظفه
هذا واحد من الادلة على ان بعض الرجال ياخذون
من الشرع ما يوافق هواهم
بالنسبة كلام الاخ سفير الروح بالرابط الي حطيت
( طبعا بغض النظر عن الشيخ الي يحث الرجل
على الزواج .. اذا هذا الشيخ اجل ما نشره على الباقي )
شي مؤلوف عزوبي .. اي واحد مايعرف (او مايبغى
وهذولي كثير للاسف ) يحل مشاكله مع زوجته
بالحكمة والتفهم وتقويم اخطاءه الشخصية
يقول لها : بتزوج عليك .. اسلوب رخيص
ومايحل مشكلته الاساسية مع زوجته لعدة
اسباب :
اولها : مو بالضرورة زوجته الاولى تسوي
له الي يبي بس عشانه تزوج عليها !
ممكن الاولى تستمر ما تقوم بالبيت ويصير
الشغل كله على الثانية .. والثانية وحدة من ثنتين
ياتطلب شغالة عشان تعينها على البيت
وهنا طبعا لازم يجيب للاولى من باب العدل
او انها ترفض تشتغل لنفس الحجة .. وبكذا
بدل ما يصير عند هالرجال زوجة وحدة ما تشتغل
بالبيت .. صار عنده زوجتين
ثانيها : يمكن الثانية يطلع فيها عيب اسوا من
انها ماتبي تشتغل بالبيت .. وش بيسوي هنا؟
بيتزوج عليها الثالثة !!
ثالثها : حتى بنت الناس الي بيتزوجها
ما راح يتجرا يقول لها ان سبب زواجي :
زوجتي ما تشتغل بالبيت ! لان مافي احد
بالدنيا يحب يشتغل كنه خدام عند غيره
فمن باب الحكمة يا عزوبي ..ومن باب العقل
وبعد النظر الي على اساسه وضع الله سبحانه
وتعالى الطلاق بيد الرجل .. انه يصحح مشكلته مع
زوجته ايا ما كانت .. بانه يصحح اخطاءه ويقوم
بحقوقها .. ووقتها يا عزوبي اذا مو راضية تقوم
بحقوقه .. وقتها ممكن يتزوج عليها
فهمتني ؟
يعني في فرق بين الزوجة الي ترفض تشتغل
بالبيت بشكل عام لانه شرعا ماهو واجب عليها
وبين الي ترفض تشتغل لانه مايصرف عليها( حتى لو موظفة )
الثانية يحق لها .. ردة فعل طبيعية !!
واحد مايقوم بواجبي اجل ما اقوم بواجبه !
فصاحب الموضوع يانه يصرف عليها حسب قدرته
ووقتها بس يحق له يطالبها بشغل البيت !
واذا ما قدرت هي تجيب شغالة وتدفع راتبها
او انه مايصرف عليها .. ويجيب له شغالة
(هو يدفع راتبها ) تنظف بيته
وملابسه واكله من المطاعم
ان شاء الله يكون كلامي واضح عزوبي
حياك الله
__________________
شتان .. بين من تسيره مبادئه ، ومن تسيره مصالحه
06-02-2010, 04:40 PM
بس
رجل
ضوابط المشاركة
العرض الشجري