اختي الحبيبة
انا ممكن اني افيدك كتير بهالموضوع لاني كنت قبل فترة اعاني بشدة من الوسواس القهري، بس بشكل غير اللي عندك، انا كان وسواسي هو الخوف من الامراض السارية والمعدية اللي موجودة بهالدنيا، وكان عندي فوبيا من الدم، وصرت اكره اللون الاحمر والبني لاني بخاف يكونو دم، وصرت اغسل كتير واستخدم الصابون بجنون...... الخ، وبعدين من كتر ما اني تعبت وزوجي صار كتير يتضايق مني قررت اني اروح لطبيب نفسي، ولعلمك مش عيب انك تروحي، المهم حكالي انو اي وسواس قهري بيجي للشخص بكون سببو اكتئاب حاد، وكل مازاد الوسواس معناه انو حدة الاكتئاب اكتر واكتر، ووصفلي علاج طبي وعلاج عن طريق تمرين النفس، اول شي كتبلي مهدئات لاني كنت كتير منهارة، بس انا رفضت اشربهم، وحكالي لازم تبعدي عن الشي اللي عاملك الاكتئاب يعني مصدر الكابة لازم تعزليه عن حياتك، ورح تلاقي انو الوسواس بلش يخف شوي شوي وبالتدريج، وانا هلأ الحمد لله كتير احسن من قبل، بس لسه ما شفيت تماما، بس والله مافي مقارنة مع قبل، بس بتعرفي لو اني رضيت اخد المهدئات كان هلأ الوضع احسن بكتير والتحسن كان اسرع، والاهم من كل هاد كوني قريبة من الله، وادعيه وناجيه وكوني قريبة منو ( الا بذكر الله تطمئن القلوب)، وتغلبي على ابليس.
اه نسيت انبهك انو هدول الحبوب ممنوعين مع الحمل والارضاع
سلامة قلبك حبيبتي