اختي الحبيبة
اول شي بحب اشكرك على الطرح الجميل جدا للمشكلة والمؤثر، والقوة في التعبير مع اللغة العربية الرائعة. شكرا مرة تانيه.
حبيبتي احنا الزوجات بنحب انو الرومانسية تكون طاغية عجميع نواحي حياتنا، ومنفترض انها لازم تكون عند رجالنا بنفس الكم الهائل اللي موجود عنا، بس بعد تجربة، الرجال الحقيقة مش هيك، وانا متأكدة انو هو كان بيقصد ( حبايبي التانيين غيرك، وحبي لإلك هو امر مسلم فيه )، ومش بعيد يكون حكى هيك لانو بدو يحركك لحتى تحكيلو ليش انا مش حبيبتك؟!! وبعديها هو يحكيلك أديش بحبك ........ الخ وتكون مدخل لوقت لطيف تقضوه مع بعض، بس يمكن انت رومانسيتك وحساسيتك خلتك تنصدمي.
وفي شغلة تانية وانتي حكيتيها بنفسك وهي انو انتي لسه في بداية زواجك، يعني عروس، وبتكوني بهالمرحلة بتنتظري انو زوجك يدللك ويعاملك احسن معاملة، بالاضافة لانك لسه ما كونتي فكرة عن سيكولوجية الرجل وطبيعتو الفطرية اللي بتختلف عن المرأة كتير.
اما بالنسبة لانك بتحكي انو نحن ممكن نعتبرها شغلة صغيرة وتافهة، فابدا ما تفكري هيك، لاني متأكدة انو اكتر الزوجات بعانو من مواقف مشابهة وبتزعجنا اكيد، بس احنا لازم نتفهم ازواجنا ونعذرهم.
الله يوفقكم ويهنيكم ببعض.

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..