حبيبتي انا اقولك كيف نضفت ابني

اولا مش لازم يكون يحكي عشان تنضفيه لانه فيه ناس ينضفوا اولادهم عالسنة .

المهم انا ابني كان عمره سنتين و 10 شهور و كنت حامل بالشهر التامن و كانت الدنيا شهر 2 يعني برد و حطيت براسي اني لازم انضفه قبل ما اولد و فعلا عملتها الحمد لله .

انتي قلتي انك جهزتي البامبرز اللي يشبه الكالوت , كويس انك تستخدميه او فيه فكرة تانية اشتري نوع مش ممتاز من البامبرز بحيث امتصاصه سيء و هيك ابنك بيدايق من الحفاضة و هذا بيشجعه يتركها عموما ابداي كالتالي :

ابداي من اليوم دخليه الحمام كل ساعتين لمدة اسبوع سواء عملها او لا . و اذا عملها اعطيه مكافاة مثلا حبة شوكولا , او اي شي المهم نوع يفضله .( انا اذكر ابني خلص كيس كامل من الملبس في فترة تنضيفه ) .


بعد الاسبوع صيري دخليه كل ساعة ( حتى لو برا البيت ) انا كنت احط المنبه كل ساعة و لو حتى كنا بالسيارة نوقف و انزله و يعملها برا . مع الوقت رح تلاحظي ابك يبدا يقولك او يعطيك اشارة طبعا تكوني متفقة معه على مصطلح معين تعيدي و تزيدي فيه و رح يتعلم يلفظه مع الوقت .

و ابقي على هذا الحال لحد ما يبدا يقولك انه فيه نونو او كاكا او خلافه و عندها بس شلحي الفوطة بالنهار مع الاستمرار انك تدخليه كل ساعة . و بسسسسس يا دوب ياخد منك 3 اسابيع

المهم بالفترة هذي خففيه الحليييب قدر الامكان انا الصراحة منعته عنه الا بالليل .

و لازم الفترة اللي تشلحيه الحفاضة تنحبسي بالبيت يعني ما ينفع يوم بحفاضة و يوم لا هيك بياخد منك وقت كبيييييير و تذكري انه الموضوع جديد عليه فوارد فيهالاخطاء عشان هيك اصبري و اعطيه الوقت الكافي .

يعني ممكن يدخل و ما يعملها و اول ما يطلع من الباب يعملها

و بسسسس

قبل ما اولد كان ابني نضيف الحمد لله . و زي ابنك ما كان يحكي كتيير يا دوب افهم عليه كم كلمة


بالتوفيق حبيبتي اتمنى اكون افدتك