لا يا اخي الله يهديك..
شو السفر بدون رجعة!!!!!
انت هيك بتصعب عحالك تقبل الموضوع.
كل شي في اولو صعب، تأكد انها فترة ورح تمر.
الحزن ببلش كبير، وبصغر يوم بعد يوم، بس بدو الثبات على الراي الصحيح وعدم الانقياد وراء العواطف.
اخي ما تطلع بس مكان اجريك ومحل وقوفك، لا، اطلق نظرك لبعيد، لانو هالشي لمصلحتك، والا لما كانت هي القاعدة اللي سارية على الغالبية العظمى من الناس.
وابدا ما تفكر انك تدخل حالك بدوامة ارتباط سريع، لانو ببساطة مشاعرك هلأ ملخبطة وعواطفك متأججة، بلاش تظلم حالك وتظلم بنت الناس.
اشغل حالك باي شي لحد ما نفسك تهدا ونار عواطفك تخمد. ورح تلاقي انو فعلا هاد الصح، ورح تحس براحة كبيرة، حتى وان كان مو بالوقت القريب.
وتاكد يا اخي، بعمرو الهروب ما كان وسيلة ناجحة ومجدية.
الله يفتح عليك ويوفقك ويرزقك الزوجة الصالحة اللي تعجبك ويفرحو فيها اهلك.

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..