من باب تجربتي مع الغربة أنا و زوجي ،، فراح أجاوب الأخت الغالية و زوجها

1 - الأجنبيات ، ما يصدقوا يشوفوا وحدة متحجبة (بعضهم)، إلا و تلاقيهم يستحقروها ، حتى لو بداخل قلوبهم
كم وحدة قابلتها ، أعاملها بأخلاق طيبة علشان ديننا و أخلاقنا و علشان أثبت لهم إننا مسلمين نتميز بأخلاقنا
و كم موقف صارت ، انحرجت الوحدة مني .. و كم موقف لي صار مثل ما صار لك

يعني ما تكوني غلطانة ، و تقولي لهم آآآآآسفة و يقوموا يكشروا بوجهك

فيوم هي زعلت ، بكيفها ...... تزعل و تنحرق في ستين داهية

أنا الصراحة في النقطة هذه ،، ( معاك )

بس زوجك ما كان يقصد إنه يجاملها على حسابك

بأوضح لك من تجربة مشابهة :

لإنه اليوم بالذات كنت أعاتب زوجي على موقف صار لنا من كم يوم و أنا متضايقة ،
قلت له ، بإنه اللي يقطع لنا التذاكر قال شئ و ما فهمته وقتها مع تعب السفر ..
و سألت زوجي و أنا واقفة ، و قام زوجي ( يشممممممق لي )
كأني ماني عاجبته ؟؟؟؟؟؟؟؟؟؟؟؟؟؟؟
و طنشت وقتها ، علشان ولدي كان فيه و كنا مستعجلين عشان القطار لا يفوتنا و تعبانيين من السفر و الشنط

ماعمره عمل كذا حتى قدام أهله

بس قال لي اليوم ، إنت تجيبي كلام من راسك
متى كذا عملت معاك ؟؟؟؟

قلت له ، ترى نحن الحرييييييييييييييم .. هذه الأشياء البسيطة تأثر فينا و لازم تعرف الشئ هذا
مو حبيبتي و حياتي آخر الليل ؟؟؟؟؟ تراها ما تأثر فينا .. المواقف البسيطة هذه هي اللي تأثر فينا و تجرحنا
( طبعا أتحدى لو إنه فهم شئ )

قلت له ، الشئ اللي تبغوا تفهموه تفهموه بسرعة ،، بس اللي ما تبغوا تفهموه ما تفهموه


قلت له على موقف تاني
( مو من طبعي أخلي في نفسي لإني صريحة ، بس كنت بأحاول أعود نفسي التطنيش ،
بس في هذولا ما قدرت أطنشهم أكثر )

الموقف الثاني ، يوم وصلنا مطار لندن ، الحرمة سألتني سؤال اللي تشيك على جوازات السفر
أنا فهمتها بالمعكوس و صوتها كان واطي ، و طالعت في زوجي ، و قلت له صح ؟ و لا تقصد هي شئ تاني ؟
بالعربي سألته ..

قام عمل نفس الحركة هذيك ،، و كلهم الموقفين كانوا في نفس اليوم


طبعا ، هو ما يفتكر ، أو إنه يفتكر و يكذبني
بس المهم إني وصلت له الفكرة

--------------------------------------

عشان كذا يا قلبي ، زوجك هذه الأشياء البسيطة على باله إنها ما تأثر في زوجته و ما يدري إنها مهمة مرررررررة

و أنا حسابي مع زوجي بعدين


أحيانا هو يفهم السؤال غلط و أنا ما أتريق عليه ،، أقوم أفهمه بالعربي بشويش بحيث ما أحرجه ..
بس المرة الجاية ، أشمق له يستاهل

بس إنت لا تعملي مثلي