أزيكم حبيباتى .........ماشاء الله تبارك الله انا كل ما أغيب عن الصفحه يومين ..الاقى خبر جميل ..حمل فراشه هادئه..مع انى متكلمتش معاكى خالص انما فرحانه جدا جدا انى لما دخلت لقيت خبر حملك ربنا يفرحك اكتر واكتر
بصوا بقى احنا نعمل اتفاق انا أغيب يومين تانى أجى الاقى 2 كمان حوامل عشان نفقل الصفحه واحنا 5 حوامل فى عين العدو على رأى كوكار........فراشه ياريت تحكى لنا قصه حملك لان الحاجات دى بتدينا أمل كبير قوى ولو ان طبعا الامل فى ربنا موجود ولم ينقطع ابدأ والحمد لله
مرميس ...عارفه انك هتعملى المنظار بكره ياريت تدخلى انهرده وتقرى ..لان الدكتور قالى قبل المنظار لازم تاخدى ملين نباتى واقراص فحم قبلها بيوم بليل يعنى انهرده باليل بعد العشا ... وده عشان القولون يكون فاضى أثناء المنظار ..طمنينا عليكى ...انا لسه معملوتوش طبعا هعمله ان شاء الله بعد ما تيجى الدوره دى يعنى يمكن الاسبوع الجاى...
منور ...عندنا فيكى أمل كبير انك تكونى الرابعه بتاعت الحوامل الشهر ده ...أن شاء الله حاااااااااااامل
تعرفوا يا بنات ان شهر مارس هو شهر الاخصاب عند الفراعنه أخواتى المصريات أكيد يعرفوا المعلومه دى....الظاهر انهم عندهم حق فعلا والبشاير كلها بانت أهيه فى ابريل ومعدره كمان موسم التزاوج فى النباتات وال..... الحمد لله ياريت كلنا زيهم ههههههههه
أم يحيى اولا متزعليش لان الدنيا متستهلش الزعل أبدا ...عارفه كانك بتتكلمى على لسانى وانتى بتحكى عن موضوع التبويض ده وتقريبا عن نفس حالتى تقريبا فى نفس عمر زواجك _ كنت بمر بكل الظروف دى وكنت بخرج من عند الطبيب وعاوزه اعيط فى الشارع واصرخ واروح بيتى واملا الدنيا دموع من كتر العياط لكن صدقينى ما ستفتدش غير تعب القلب والكأبه _ وتاخر الحمل أكتر طبعا لانك عارفه ان الحاله النفسيه مهمه وانا حالتى كانت تحت الصفر بشويه
انا اكتشفت ضعف التبويض وكنت بموت لما الاقى التبويض ضغيف وبحس انه اخر الدنيا ...بعد كده أكتشفت ان التبويض عندى بيحصل من مبيض واحد يعنى واحد كل شهر بيعمل تبويض والتانى مكبر دماغه خااالص ملوش دعوه ههههه
أنقهرت وبكيت مش هقولك اد ايه بس والله أملى زاد فى الله معرفش ازاى
بعدها أكتشفت ان الرحم عندى مايل ...برضه انقهرت وتعبت ...بعدها عرفت ان الرحم المايل او المقلوب ده ولا حاجه وانه مش بيأثر على الحمل ...يعنى ربنا بيعطينا الابتلاء وبعد كده بيطمنا ...دورى على الامل فى أبتلائك
لو ركزتى فى كلامك هتلاقى الدكتوره بتقولك انتى معندكيش وسط تبويضك يا كبير قوى أو صغير قوى _ طب ما ده معناه ان تبويضك الحمد لله بيكبر لوحده الحمد والشكر لله .وده فى حد زاته شئ كويس
انا الحمد لله الحمد لله التبويض عندى مش بيكبر الا بالمنشط او بالاعشاب الطبيعيه وعندى امل بل واثقه جدا انى هيكون ليا دريه مش عارفه امتى ولا ازاى بس متاكده
هونى على نفسك حبيبتى الامر سهل الحمد لله ..
احلام صبرى أهلا بيكى معانا ...وأسمك بجد جميل لانه رابط بين الحلم والصبر ...يعنى جبتى من الاخر عشان نوصل للحلم ده لازم الصبر سامعين يا بنات الصبرررررررررررر
كوكار مينفعش اكتب ومسلمش عليكى يا أم عتريس .......بوسيلى كريم وتيجى مصر ان شاء الله بالسلامه ..هستناكى فى المطار
منى حبيبتى يارب تكونى بخير طمنينا عنك ...يارب عاوزين نسمع اخبار حلوه يارب وتحملى من غير اطفال انابيب ولا غيره
بسووووووم ايه يا بنتى فكيها بقى ...يالا ادخلى وقوليلنا كل شئ تمام وانتى وجوزك بقيتوا تمام اتمسكى ببيتك وجوزك صدقينى اول سنه كده كلها هم وغم وخناق بس خلى العاصفه دى تعدى والحياه بعدها هتكون زى العسل ان شاء الله ربنا يهدى سرك انتى وزوجك ( بقيت بتكلم زى العواجيز مش كده )
باقى البنوتات بحبكوا فى الله جدا جدا ربنا يعطيكوا بقدر طبيه قلوبكم
ربى لا تدرنى فردا وانت خير الوارثين
__________________
التعديل الأخير تم بواسطة flouna ; 13-04-2010 الساعة 06:51 PM
13-04-2010, 06:45 PM
ضوابط المشاركة
العرض الشجري