ليش الرجال يدافعون عن زوجج ..هل عشان يسوون لهم تصريح بالصراخ على زوجاتهم وياخذون موقفج دليل ويفسرونه على انه اهمال ! ما علينا خلينا من ها التساؤل ...
الحين انتي قلتي انه شاهد لج بأدبج وحسن اختيار ألفاظج ومتعود على أدبك وهدوئج يمكن انفعل لما شافج رفعتي صوتج وهو مو متعود منج ها الشي وزوجج شكله انفعالي و حبتين عصبي فلازم في الأماكن العامة حفظا لماء الوجه كلميه بهدوء تام علشان ما ينفعل ... هذا حل مؤقت
بس أيضا انتي قلتي إنه مب أول مرة يسويها. بقولج على شي : فيه ناس بيستخدمون الصبر في ها المشكلة والحيلة مع الزوج أما أنا انسانة ما تعرف الطرق الملتوية وصريحة وأعطي بالويه فاذا زوجي سوا لي ها الشي ماراح أسكت عنه بس طبعا ماراح أتمشكل معاه وأتشاجر معاه وأصارخ ...أنا أشوف الصراحة راحة مثل ما يقولون وهو أهم شي في العلاقة الزوجية تفاهمي معاه ووضحيله إنج ما ترضين ابدا اللي سواه وانه مو اول مرة يسويها .. أما اذا يشوف ان اللي سواه عادي وما ينزل من مستواج اضربيله مثل لو كان الموقف صار العكس وانتي اللي صرخت في وجه وقلتي له :
انت أهبل!!! شو راح يكون موقفه قدام أهله والعامة !
بس ودي أسألج سؤال : هل لما حصل مثل ها الموقف أول مرة وغلط عليج اول مرة بينكم او قدام أهله سكتي عنه ولا ع طول "وقفتيه عند حده " مثل ما يقولون ؟
أتمنى لج السعادة حاسة فيج وعارفة ان الزواج والزوج مسؤووووووولية تعور الراس وأحيانا تحبط
18-04-2010, 10:45 AM
ضوابط المشاركة
العرض الشجري