السلام عليكم ورحمة الله وبركاته
ان شاء الله الجميع يكونو بخير
اخواني ... حابه اخذ رائيكم في موضوع
دحين تبدا الاجازه وتبدا المعاناه
اخت زوجي وسلفتي يرسلو اولادهم عندي من غير ما يتصلو علي او يعطوني خبر
يتصلو على البيت ويسالو الاولاد انتو خارجين ؟
طيب احنا جايين طبعا من غير ما يسالوني او حتى على الاقل اسال ماما انتو في البيت او لا؟
او تتولى ام زوجي جمع الاطفال عندي وتنسق مع الاولاد طبعا من غير ما ترجعلي كانه البيت ماله صاحب
او يخلو الاطفال يتصلو على زوجي عمو اوخالو احنا نبغى نجي عندكم
طبعا زوجي دايما بره البيت يعني ما يجي غير وقت النوم وماهي فارقه معاه ولايدري عن الفوضى اللي في البت
وطبعا البيت يقلب فوضى وانا ما اقدر اجلس براحتي
مره قلت لام زوجي انه الاولاد بيزعجوني لكن مافي فايده
ومره اخت زوجي رسلتهم ايام امتحانات تقول ولدها طفشان وجابته عندنا فاخذت اولادي واولادها ووديتهم عندها البيت طبعا من غير ما اتصل عليها زي ماهي رسلتهم من غير اتصال
ومافي عشر دقايق اخذتهم لام زوجي لانها ماتتحمل الاولاد حتى اولادها دايما عند امها
وبرضو مافي فايده
انا مو مطلوب مني اتحمل اولادهم انا اولادي كفايه علي
وحتى سلفتي من النوع اللي ما تتحمل
قولولي كيف اتصرف معاهم
هل اتكلم معاهم بصراحه واقولهم الاولاد بيزعجوني ؟

__________________
يارب
فوضت اموري اليك