سأحمل لقب " مطلقة " - فضفضه - منتدى عالم الأسرة والمجتمع

25-06-2010, 08:33 PM

#11

الورده زينب

موقوف

تاريخ التسجيل: Jun 2010

المشاركات: 379

مع الأسف طول اليوم كنت مشغولة توني قادرة ارد ، ومع هذا مابقدر أرد على كل شخص

ولكن ، ما بغفل عن شكركم طبعاً ... سيما " أصحاب الردود الإيجابية والمحفزة "

ولكن بعض الردود استوقفتني وقلت لازم ارد عليها قبل ما اطلعكم على مستجداتي ..

" الأخت دلوعة الناس ، :-) وحبيبتنا الأخت أميرات :-

ردودكم فيها شيء من القسوة ورد دلوعة الناس فيه شيء من " التطاول " ..

خواتي : آنه ماراح ازكي نفسي أبداً ..

بس إن شاء الله الله سامحني وسامحه

والدليل التوافيق اللي قاعده اتصيدني كل فترة ومن خلالها اشوف رحمة ربي وعطفه علي

ودعائي اللي الحمدلله رب العالمين قبله ربي نجاني من المووت اليوم !!

:-) صادني حادددث في آآآخر لحظة الحمدلله ررررررربي نجاني من الموت !!!!!!!!

الحمدلله ، آآنه متأكده واتمنى إن ربي راضي عني ..

طريقة معرفتي حق ريلي ، وعتني على اشياء وايددده

صح هي معصية ... وانكتبلي وانكتبله ذذذنب ..

بس كل شي فيه صلااااح الحمدلله ربييي

صرت اقرب حق ربي .. الحمدلله حتى صلاتي حسيتها صارت افضل لأن صارت تنهيني عن اشياء وايده !

الحمدلله ..

ودعاي الحمدلله اغلبه الله يستجيبه لييي ..

ربي رضى عني ان شاء الله ... وعهد بيني وبين ربي ما اعصييييه بقصد مني

وأختي أميرات .... آآنه ذكرت في واحد من المواضيع إن آآنه كنت اكلمه فترة وبعدها خلاص انقطع عنه

بسبب تأنيب ضميررري .. بس آخر مره رديت له استغل الوضع وقال خلاص بخطبج ..

وماكلمت غيرررر ريلي الحمدلله ، ف اتمنى اتمنى اتمنى لحد يقول حجي ويبني عليه اشياء واصلا في الاساس هالحجي غلط !!

وسبحان اللي ما يغلط .. ريايل ثانية يغلطون اغلاط اكبر ولا يتوبون

آنه ما بابرر حق ريلي .. لأني للحين مانسيت هالخيانة .. وقاعده احاول انساها

بس من داخلي احس برضا اتجاهه ب الرغم من اشياء وااااايده < اقصد عوامل ومؤثرات خارجية علي وعليه

عموماً كل الشكر لكم فديتكم

~

أما باقي الردود ف أخواني وخواتي .. هم اشكركم وايد

بعض الردود كانت فيها قسوة بنعومه وبعضها كانت لينه واكيد كل الردود تهدف ل مصحتي

وبانفذ كل نصايحكم وباحطها بعين الاعتبار ..

بس ادعولي بالتوافيييج

~

آآخر الاشياء اللي صارت ..

قبل ما ايي ريلي من الشغل تعدلت و و و إلخ وبخرت وعطرت المكان وتجهزت من كلوو

وطرشت له مسج " فيه وحده في بيتنا متعدله وقاعده تنطرك تكفى تكفى لي ييت لا تكسر بخاطرها وتصدها "

ونطرته ليييييييي مايه .. استقبلته وكان يايب لي هددية ..

ضحكنا واستانستنا ووو إلخ

قعدت اتكلم وياه ب جد وصراحة قلت له " ابي اثق فيك اكثرر ... علمني شلون ساعدني "

قال " شاسوي اكثر من اللي قاعد اسويه "

قلت له " اصبرر علي "

قال لي " أنا صابر وببقى صابر بس تكفين ترى آنه تعبت لا يطول صبرري "

قلت له " ماراح يطول ، وآنه من داخلي ادري ان الشي اللي صار مابيتكرر و و و إلخ بس

للحين الخوف من صدمة يديدة موجود ابي اشيل هَـ الخوف "

قال لي " شلون تشيلينه ؟ "

قلت له " باوثق فيك أكثر وأكثر ... بس طلبتك ابي منك الصبر "

قال لي " لأنج مرتي وآآنه ابيج اكيد باصبر "

وانتهت الليلة على خير ... كملنا السهره وقعدنا من الصبح وكانت صبحيه لطيفة

المهم صارت احداث واييييييييد لي حد الظهر ..

آنه وديته شغله <

بلوى اللي ماعندهم غير سيارة وحده

وخذيت السيارة رحت محل ورد

اشتريت له باقة حلووة وخذيت كارد .. سووو سويتي

ورديت طقيتها حق شغله وديتها له < عطيتها موظف يعطيه اياها

واهوهـ استانس وايد وكل شوي يطرش مسجات و و و إلخ

ب إختصار كانت المفاجئة ايجابية وحلوة < نصيحة هموووسة فديتها

~

اشكركم من أعماااااااااااااااااااااااق قلب قلب قلب قلبي

:-) وبنصايحكم برتقي وبتطور .. وحتى لو شخصيتي طفولية مو حلووة ..

بس ب فضل الله وب فضل نصايحكم بتكون شخصيتي اكثر نضووج

ونوره إن شاء الله راح اقرا جريب كتاب نساء من الزهره ورجال من المريخ < ولو إن توني كنت اقرا انتقادات عليه بس اتضطلعت عليه ووايد حلوو

وادعووولي ... وبدددددددددددعيلكم كلكم

مشكوووووووووورين حبايب قلبي مابطلع من يزاكم ..

~

روعة المعنى :

اقتباس:

او حتى تلعبون بلي
ستيشن بعدكم صغار عادي >> مهب صاحية هههههه

فددديت الاقتررررررررراح وراعيته آآنه وافدددديت قلبج

اقتباس:

على فكرة .. يا حلو لهجتكم صراحة مرررررررررررة حللووووة
يا عل تحلا ايامك ولياليك حبيبتي الوردة .. الله يسعدك وييسر لك امورك
يالغلا

فددديت قلبج آآنه .. عيونج الحلوووة .. ويسعدج يا قلبي ويوفج لج بكل خطواتج انتي وكل من رد هنيي وكل من قرا الموضوع وكل من دعى لييي

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه