
وش اللي تشوفونه لازم اسويه
بسم الله الرحمن الرحيم
السلام عليكم ورحمة الله وبركاته
اللي متابع قصتي راح يفهمني واللي ماعرف قصتي قبل هالمره يحاول انه يقراها في قسم المطلقات او القسم الخاص بالمشاكل
انا ياوجيه الخير فكرت بالرجوع لطليقي بس انا رجعت البيت وجلست حوالي الاسبوع المهم بهاالاسبوع اكتشفت بجواله رسايل وارده من بنات علاجواله كلها حب وغزل انا ماسكتت واجهته بالموضوع وقاللي هذاشي مايخصك قلت كيف مايخصني .؟؟؟
المهم دخل بموضوع ثاني وتكلم علاحكاية الدفء الاسري ومن هالكلام
المهم..............
تفاهمنا بهاالكلام بس انا ماعدت علي هالحكايه جلس يتكلم بموضوع الرجعه وعلاايش راح ينبني
تخيلوا فرض علي اني اعيش مع اولاده تدرون كم ؟؟7ياوجيه الخير وانا عشان ابي الستر يسوي فيني كذا انا الحمدلله ماينقصني شي صغيره عمري 26 وهو50 الحمدلله جميله ولايعيبني شي
بس انا مالقيت احد صادق ويبي يتزوج حتى المواقهع اللي تختص بالزواج جربتها مافي فايده موعيب اني ابحث عن الحلال بنفسي لاني ابي العفه والستر
والله العلي العظيم لو اعرف انه الان في احد صادق ماكان سمحت لواحد مثل هذا انه ينتقصني او يقلل من قيمتي والحمدلله اني مارجعت بشكل رسمي
انا الان مطلقه رسميا ومعي صك الطلاق
تدرون وش اكتشفت اخر شي ؟؟
انه كان يخونني مع اعز صديقاتي وراح لها لمقر عملها وكلمها وهي بس امس كلمتني تحسبني مارجعت
البنت انا ماعملت معها مشكله ولاشي لانها جات وصارحتني وماقصرت
بس لما واجهته جلس يشتم في البنت وشتمني انا بأقبح الشتائم
بالله وش رايكم؟؟؟