من منا على صواب؟؟
السلام عليكم و رحمة الله و بركاته
من فترة .. كنا مجتمعين انا و صديقاتي المقربات جدا جدا
وحدة منهم.. زوجها كل شوي بشغل ,, ساعة تطلع براسه يشارك في ورشة ميكانيكا
و ساعة في تاكسي و ساعة في مطعم .. المهم بالاخير زوجته اللي هي صديقتي
باعت ذهبها كلللللله و اعطته الفلوس عشان يبتدي مشروعه
و احنا جالسين.. طبعا البنت فيها نوع من الحزن انها باعت كل شي حتى دبلة الزواج
فقعدت اهون عليها و اقولها لا انتي صح وو هذا زوجك وهو اللي جاب لك الذهب و بكرة ان شاء الله
بيوقف على رجوله و يعوضك ...
جت صديقتنا الثالثة .. تقول لها بصراحة انتي غلطانة ولو كنت مكانك ما ابيع شي
استغربت كلامها لانها تحب زوجها جدا و علاقتهم جدا جدا ممتازة بسم الله ماشا ءالله
فقلت لها .. استأمنتيه على نفسك .. راح تبخلي عليه بذهب؟؟؟
فردت الحكاية مو حكاية بخل .... و انما مستحيل ابيع ذهبي عشان يروح يفتح مشروع
المفروض انه يشتغل .. يدبر عمره ...يؤخر فتح المشروع لغاية ما تتجمع معاه المادة
لكن ذهبي بخبيه لوقت الحاجة الفعلية ... حد مرض .. حد احتاج عملية لاقدر الله
ازنقنا بشدة .. يعني فعلا لوقت الحاجة ... لكن مسالة المشروع مو مسالة مستعجلة
و طالما انه رجال البيت.. اذاً لازم هو اللي يدبر فلوسه مو انا
و الذهب يتخبأ للشديد القوي فقط
بعد الموضوع الطويل العريض 
سؤال للجميع
اي الزوجتين على صواب ؟؟؟
سؤالي لكم يا عضوات ...
متى ممكن تبيعي ذهبك ؟؟؟؟؟ عندما يطلبه الزوج باي وقت كان؟؟ و لا فقط بالطوارئ؟
و هل عندك الجرأة انك ترفضي ؟؟
سؤالي للاخوة الاعضاء ...
متى ممكن تلجأ لذهب زوجتك؟؟و ماهو شعورك اذا رفضت ؟؟؟
اتمنى من الله لكم دوام الصحة و الستر و ربي ما يحيجكم لا حد
__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله
22-08-2010, 05:56 AM
ضوابط المشاركة
العرض الشجري