السلام عليكم
أخوي جبريل .. والله كسرت خاطري ..
وبإذن الله أزمه وتعدي ..
وترى كل إللي صارلك مقادير من عند رب العالمين ..
وهو كله خير لك بإذن الله ( بس ظاهرياً كأنه مشكلة )
بدليل انك ملكت بالوقت إاللي تبي .. وبإذن الله تعالى بتعرس بالوقت إللي تبيه .. قوووول آمين
شوف أخوي أنت حاول ترضي جميع الاطراف وتكسب رضا الكل خالتك وعمتك وعيال خالتك
أقترح عليك قبل العيد بيوم تاخذ فواكه وحلويات العيد ( وإذا عطر ودخون بعد زين ) من كل شي دبل ( يعني أثنين )
وتاخذ نصه لبيت خالتك ( ابدأ بخالتك) والنص الثاني لبيت عمتك ..
وبعد ما تنزل الاغراض لازم تسلم على خالتك وتحبها على راسها وتقول لها : عسى بس راضية علينا ومن ذا الكلام السنع
وسو نفس الشي مع عمتك ..
هذا قبل العيد بيوم ( تقريبا)
أما يوم العيد بعد سير لخالتك في البداية وعيد عليها وعلى عيال خالتك واتقهوى معاهم
ثم مر على عمتك وعيد عليها وعلى نسيبك (ولدها ) .. وهنيه عاد جس النبض بسؤال مباشر أو غير مباشر حسب الموقف وحسب شطارتك بالكلام .. اسأل عمتك ممكن أسلم على حرمتي اليوم ؟؟ وألا أجي وقت ثاني أحسن ؟؟
وخذ عندك هدية وخلها بالسيارة إذا وافقت كان بها وإذا ما وافقت تشوفها .. عاد هنيه الله يصبر قلبك ، وطرش الهدية ويا أمك أو أختك ......
تحياتي لك
ودعواتي الله يتمم لك على خير يا رب
05-09-2010, 07:20 PM
ضوابط المشاركة
العرض الشجري