السلام عليكم
في قلبي غصة و مسببة لي أزمة في حياتي .. أبيكم تساعدوني الله يخليكم
بدخل في الموضوع على طول
أنا متزوجة ما صار لي 3 شهور ...
في الأسبوع الأول بعد الزواج صار لي موقف ما عرفت له تفسير أبدا و هو اللي مسبب لي أزمة نفسية إلى الآن!
زوجي كان نايم و أنا ما كان عندي رصيد و كنت محتاجة أكلم أمي بشغلة سريعة و أخذت جوال زوجي بإذنه طبعا و طلب مني ما أطول و أرجعه بسرعة
بعد ما كلمت خطر في بالي إني أتفرج على رسايلي اللي كنت أرسلها لزوجي أيام الخطوبة << نيتي بريئة
تفرجت و ليتني ما تفرجت!
لقيت 3 أو 4 رسايل صيغتهم من بنت .. الكلام باين من بنت (حبيبي اشتقت لك و مدري ايش و كلمني و مدري ايش... الخ) لكن الرقم مسجل باسم رجال!
أنا انصعقت انصدمت انهرت كلللل شي تبونه .. انصدمتتتتت بزوجي بجنوون خاصة انه كان يمثل لي انه ملتزم يخاف الله ما يغتاب ما يتكلم في أحد .. الخ
اللي أكد ظنوني و خلا ذاكرتي ترجع لورا شيئين .. الأول كان في أيام الخطوبة .. كان دايما لما يجي عندي يقفل جوالاته (كان عنده 2) .. و مرة طلبت منه اشوف رسايله و كان اهو اللي يوريني بنفسه و رفض انا اشوف بنفسي و لما كان يغير جات عيني على مسج وااضح من بنت قلت افتحه رفض رفض مو طبيعي و زعل و قفل الجوال ... حاولت فيه و زعلت شوي و مصر ع الرفض و مشت الأيام و نسيت ما أخذت بالي >>1
الشي الثاني أن زوجي فيه حساسية زايدة جدا جدا و شديدة و بدرحة مبالغ فيها من ناحية الشرف! يرفض أشياء تافهة جدا بحجة يخاف على شرفه! و هالشي يخليني أتهاوش معاه مرات في انو ليش بس هو يفكر بالشرف! يعني ابوي و اخواني ما يعرفون الشرف بس حضرته هو >> 2
نرجع لسالفة المسجات اللي شفتهم .. توني فتحت أشوف الرقم اللي مسجل باسم رجال و بنقله إلا أشوفه وراي فز من نومه وش تسوييين؟؟ أنا لمحت الرقم دولي! لما قال لي كذا و شفته مثل اللي صحى من نومه مرتبك وش أسوي << انهرت انفجرت بكاء و قلت له يا خاين و قمت أصرخ مفزوعة مو مصدقة اللي أشوفه وو << ما قدرت أمسك نفسي و هو قعد يسكتني بالقوة لدرجة خنقني خايف أحد يسمعني و ياخذ فكرة شينة عنه! بالبداية أنكر أنها من بنت بعدين قعد يبكي و يترجاني أرضى و ما أقول لأحد و انه برئ و انه واحد يلعب و يرسل له بنات يلعبون عليه وو الخ الموال .. << غير كلامه
طلبت منه يعطيني الرقم أو يدق عليه لو كان صادق في كلامه .. رفض .. و رجع يبكي و يترجاني و قعد يحوس بجواله و يقول لي شوفي شوفي الرقم! <<<< غيره و سجل رقم داخلي! << علينا هالحركات
أنا كنت منهارة و كأني بحلم باللي صار .. بعد يوم كامل من التعب النفسي و الجسدي .. أشوفه يبكي مثل المجنون يبيني أهدأ و أرضى و لا كأن شي صار!
إلى هذا اليوم و أنا بقلبي غصة ما قدرت أثق فيه!
ملاحظة: زوجي رقمه صار له 7 او 8 سنوات أو يمكن أكثر ما غيره >> 1
كان لما ينام أو يدخل دورة المياه الله يكرمكم يخبي جوالاته عني يشيلها << 2 إلى لما وصلت لمرحلة أحس اني تايهة تهاوشت معاه كثير على هالحركة .. و ترك هالعادة لكن أيش؟؟ بعد كل مكالمة او مسج او اي شي يمسح السجل ع الأخير!
بالأخير نبذة عن زوجي:
نمط شخصيته شمالي شرقي
وسواسي لحد الجنون
يبغاني في كللللل حاجة أطيعه و ما أعترض أبدا
من ناحية الأكل كريم
من ناحية مصروف .. ما يعطيني
على طول يمثل لي أنه برئ و شريف و ماشي سيدة و ما عنده حركات كذا و إلا كذا
جاف و دفش في تعامله << كأني من أخوياه في مزحه و تريقته علي << بعكسي أنا حساسة و قلبي ما يتحمل
ما أقدر آخذ منه لا حق و لا باطل - غامض يجيد اللف و الدوران
يقول (حطوا خط تحت يقول) انه يحبني!!
أرجوكم ساعدوني على تجاوز الوضع اللي أنا فيه ... صرت مضطربة غير مستقرة أبدا في حياتي معاه .. مرات كثيرة يمر علي هالموقف و أكره زوجي و لا أثق فيه أبدا و لا أحس بالأمان معه..
ساعدوني أجد تفسير للي حصل .. هل زوجي كان يحب وحدة من قبل؟ و كيف أتأكد؟ و أي سؤال أنا حاضرة.
06-09-2010, 03:17 PM
ضوابط المشاركة
العرض الشجري