أترك دروسي من أجل زوجي ؟
زوجي طلب مني أترك اعطاء دروس التجويد ... ومحتارة ... الصراحة مو هاين علي أترك مصدر للحسنات بارادتي .. اللحظة اللي أخسر فيها درس احس انه هذا بسبب غضب من ربي وما خسرت درسي الا بذنب ارتكبته ..
دايما أحاول انهي عملي بالبيت قبل ما اطلع الدرس ... كلهم على بعض 4 مرات بالاسبوع ..كل مرة ساعة ونص الى ساعتين .. حسيت من خلال كلامه وكأني قاعدة أتسلى وطلب أنتظر الى ان يصير دورات منتظمة اكثر وعدد منتسبات اكبر بكل دورة حتى يكون شي يستاهل التعب عليه ... قلت له انه قلة العدد من ترتيبي أنا لاني ما أحب أتأخر بالدرس الواحد وكلما كثر العدد بيحتاج وقت اطول ... وانا ما أحب أتأخر على البيت ..سكت لكني ما حسيت انه رضي أو اقتنع .
اللي صار جديد انه تقاعد ومع انه الدرس يكون بوقت نومته الصباحية وما يكون وحيد بالبيت الا لفترة بسيطة ..نص ساعة تقريبا لكنه يتضايق لانه مو متعود اني أكون خارج البيت بفترة وجوده هو بالبيت .
مو من حقي يتحمل شغلة بسيطة من اجلي ؟.. وللا يمكن مو حاس بأهمية الدرس عندي . ؟
ما عندي أي نشاطات اجتماعية نهائيا الا اللي يطلب مني هو اني ارافقه فيها ما عدا درسي .
قلت له تحمل معاي شوي حتى تكسب ثواب لانك سمحت لي وساعدتني.. اعتبرها من باب علم ينتفع به ...ما تبي تحصل صدقة جارية ؟...... سكت لكن علامات عدم الاقتناع كانت على وجهه .
هو ما يحب يجبرني على شي لكنه يعرف اني ما راح استمر اذا ظل يشتكي .. ما أتحمل نكده بالبيت ..
ما يحتاج يصرخ أو يعصب حتى أرضخ لطلبه .
ما ادري .... جد محتارة .. الله يسامحه
30-09-2010, 05:08 PM
ضوابط المشاركة
العرض الشجري