تقصيـري بالصـلآه - منتدى عالم الأسرة والمجتمع

01-10-2010, 10:01 AM

Fαtimαh

عضو دائم

تاريخ التسجيل: May 2010

المشاركات: 57

تقصيـري بالصـلآه

السلام عليكم ورحمه الله وبركاته

اتمنى يكون الجميع بأتم الصحه والعافيه
ماراح أطول عليكم ,, مشكلتي الرئيسيه واللي مضايقتني بالفتره الأخيره أعتقد واضحه من العنوان
وأعرف ان مشاكلي و الهموم اللي بصدري كلها بسبب هالتقصير
لأني كنت حريصه عليها ودايم اذكر أخواني فيها . ./ لكن حالي الحين : ( الله المستعان بس

يعني مثلاً صلاة الفجر
صرت انام بدري واحط لي منبه
والله يرن واطفيه وارجع انام .. واسمع الغفوه كل 5 دقايق ونفس الشي اطفيه وانام : (
واذا صحيت الوم نفسي واحس ودي ابكي على اللي سويته ..غصب عني والله مدري وش صاير لي
وأقول بنفسي بكرا ان شاءالله اصحى ومااخلي الشيطان يغلبني
وأتفاجأ باليوم اللي بعده اني سويت نفس اللي سويته قبل !!!!!
ومرات مااسمع المنبه أبد .. واستغرب كيف اني ماسمعته !
قلت خلاص الحل الوحيد اني اسهر عشان اصليها وانام وأنا مرتاحه
وفعلاً أسهر ويكون مابقى على الصلاه الا عشر دقايق ..
وماالاقي نفسي الا نايمه .. انتوا متخيليييييييين : ( !!
والله زعلانه على حالي مدري وش أسوي

وفي شي ثاني خلاني أحس اني مو طبيعيه . . رد قريته بأحدى المواضيع هنا عن سحر الخمول !!
بصراحه أول مره اسمع فيه وحبيت اقرأ عنه أكثر لأن اعراضه كلها فيني
اول شي . . كثرة النوم والخمول
والتثاوب طبعاً حدث ولا حرج .. ع الفاضي والمليان
خصوصاً بوقت الصلاه او عند قراءة القرآن / اتثاوب كثيييييير وبشكل غير طبيعي : (
واحس بضيق اذا سمعت أحد يقرأ قرآن ,, مرات أنا بنفسي احط قناة ع التلفزيون عشان اسمع .. بس مااطول احس اتضايق واغيرها بعد دقايق : (
وتجيني منامات مزعجه .. بس لأني مااحب الأحلام ومااحب اتكلم لأحد عن احلامي .. احاول انساها قد مااقدر
وبالنسبه للوحده .. أكون مبسوطه بالبيت مع أهلي وأحب اسولف وكل شي تمام .. بس مااحب جمعات الأهل أبد
كنت قبل أفكر ان السبب وجود خلافات بيننا وعشان علاقتنا معاهم مو قويه ..
لكن أشوف خواتي عادي يقدرون يجاملون أما أنا دايم اتحجج واتضايق بمجرد مااسمع (في جمعه اليوم او عزيمه )
واذا رحت اكون طول الوقت على اعصابي وضايق صدري وانتظر متى نرجع البيت : ( ودايم على هالحال .. لدرجه انهم حسوا اني كارهتهم

طبعاَ أنا قلت لكم أني قريت أكثر عن هالسحر
ومن ضمن الموضوع كانت فيه آيات للرقيه او علاج له
وقررت اقرأها وبدت تظهر علي الأعراض اللي تظهر على المريض بهذا السحر
وأنا اقرأ حسيت بدوووخه وضيق بصدري وبدت دقات قلبي تزيد
والله اني وصلت لنص الآيات وماقدرت اكمل حسيت بيغمى علي
وكنت ابغا استفرغ الله يكرمكم .. حسيت روحي بتطلع من الضيق اللي أنا فيه : (
بعد نص ساعه رجعت لحالتي وصرت تمام

وش تنصحوني فيه ؟؟ وهل اللي فيني طبيعي او يمكن يكون مجرد وسواس ؟
وبعد أبغا نصايحكم بالنسبه للصلاه : (
لأن تقصيري فيها هو اللي مضايقني ومأثر على نفسيتي بصراحه

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه