سحابة الصحراء
تسلمي عزيزتي مرورك هو الاحلى ..
و ياستي لا تزعلي ولا شي غصبا عنك بس انتبهي
والله يحفظكم لبعض يااارب



شاطئ المحبة ..
تساعد على الهضم ؟؟ تخيلت شكلها بالمعدة وعععع
ربي يديم عليكم المحبة يارب و يحفظ لكم ابنكم



نورين
يااا توأمي الالكتروني

اشتقت لك ... تذكرتك من يومين و شفت شريط حملك
الله يعينك يارب و يسهلها علييك خلااص هانت
ياستي ماشاء الله عليه ابو فارس
شكلك تجوعيه عشان لما تحطي الاكل ياكل و مايشوف قدامه
استراتيجية خطيرة يابنت
ياقلبي مو شرط اذا مايحب البصل انه يقرف من الشعرة
جربي حطيها وشوفي ردة فعله
بس والله استغربت من ردة فعلك مامتك الله يخليها
ناادر ما تلاقي الامهات يقرفوا من شعور بناتهن
بس شكلها من كثر ما شافتكم تزيتون شعوركم
ربي يطول بعمرها و يعطيها الصحة و العافية
و يرحم والدك و يسكنه فسيح جناته يارب
بوسة للميس و فارس و البيبي الجديد




ابوحكيم
مشكور للتذكير اخي الكريم




مشتاقة...
اهي دي الابهات و لا بلاش
المهم انه من غير زعييق .. الله يطول بعمره
و يحفظ لك زوجك ..ز بس حاولي تبطلي تقرفي من شعرك
داا شي عااديمو مستاهل تقطعي اكلك عشانه
بالنسبة لجارتي ربك يعينها ... دا اللي قهرني قلب الصحوون و رمي الاكل
حرااام النعمة ترتمي
مشكووورة ياقمر عالمرور الحلو



رزونة الامورة..
ياستي ايش هذا التناقض
كيف تقرفي من شعرك و شعره لا ..
اما كل انواع الشعر و اما فلا
طيب و ابنك
ربي يحفظ لك اسرتك يا عسل
بالنسبة للجارة ..طبعا هي سكتت
و ماعاد فتحت الموضوع خير شر
قالت خلاص مافي فايدة هذا طبعه
بس هي زي ماتقولي فاض فيها خلاص تعبت
25 سنة و هي على هذه العصبية و الاهانات




مش مجرد كلام
ياختي كانك حاسة فيني
بعد ما كتبت الموضوع قعدت افكر لو حد معزوم
و لاقى شعرة في الاكل ايش يعمل؟؟
لا بيقدر يكمل اكله و لا يقوم اييشش يسوي
جاوبتيني ... فعلا ياكل سلطة و يتحجج
بس برضو تحسيه مو من الذوق انك ما تاكلي شي بالمرة
الله يعين بس
ياستي لا تتقرفي من شعرك و لا شي .. اذا كان هو ما ينقرف خلااص
تسلمي لي ياقمر و ربي يحفظكم لبعض و يرزقك ما تتمني




ملك شادي
ياعسل سبب تاخري ببقية الردود
اخخ بس .. كتبت رد مطول لك و الاعضاء البقية
و بضغطة زر انمسح .. تعرفي مدى الغيييظ اللي يجي ذيك الساعة
المهم جيت اليوم الثاني بكتب
للاسف للاسف صابني عارض صحي الا وهو
الوحم .. ياستي اختك حامل و الوحم عامل عمايله
اليوم حسيت نفسي احسن قلت لاازم اررد ... خلاص شيلي الشعرةمن العزومة
نرجع لموضوعك .. ايش هذا ياملك تاريخك حااافل مع الشعرة
ياختي شعرتين مرة وحدة بالاكل
لاازم تنتبهي .. مو معقول
وبعدين الموضوع مستمر من بيت الاهل و يتطور
انتبهي على حالك ياقمر و زيدي من الفاكهه و الفيتامينات
عشان يرجع شعرك بسرعة ...
جارتي تسلم عليك .. وتقول لو كان التفاهم ينفع معاه ماكان وصلنا لهنا
الله يصلح حالهم
نووررتي يا قلبي




الوان
باين عليك طيوووووبة ... بس اكيد اكل الشيف ا و اكل برى
الواحد ينقرف منه .. لكن اكل الوالدة غير
اما اخوانك و اصحابهم مااشاء الله عليهم لا تعليق
اسعدني مرورك حبيبتي




بيتا ...
فعلا هو من لنوع العصبي . بس هي كمان ما تقصر
كانت مثله .. بس مع تقدم العمر تعبت و صارت اهدى
و اذا صار شي تكتفي اما بالبكاء او الذهاب و المبيت ببيت ابنها المتزوج
زي ما تقولي صار زواجهم بس شكلي عشان الابناء
اعتقد الخلل اكبر من مجرد عصبية ... الخلل موجود من ايام زواجهم الاولى
بس ما عرفوا يحلوه ووصلوا الان لطريق مسدود
و عصبيته يمكن هي تنفيس و الله اعلم
اما انتي يا بيتا . فا الله يعينيك انتبهي ... بس الاهم انه ما يعصب و يصارخ
عادي بس تجي على القومة من على الاكلالله يحميكم لبعض و يخلي لكم اولادكم






صقر الشرقية
نورت اخوي ... ماشاء الله عليك متفهم.... فعلا اكيد ماهي متقصدة
الله يحميكم لبعض ... بس اضرار الشعر ماادري الصراحة ما سمعت عنها
و عادة الشعرة تطلع من البطن ..
ايامما كان ابني يحبي و ياكل اي شي يلقاه على الارض
كنت اشوف في المخروج اكرمك الله شعرة معناه انها تلاقي طريقها للخروج
شكرا على لمرور .. ربي يسعدكم





مس بلو ..
يااابنت كيف عرفتي .. لا والله ما لقيت بس مر على الموقف من قبل
و قبل ما اكتب الموضوع لاقيت شعرة عالطاولة فا تذكرت الموقف و قلت اسالكم
بس فضحتي حالك يابنت الحين مستر بلو يدخل و يشوف الرد و يصير يدقق بالصحن
و يلحق يشوف الشعرة قبل ما تشيليها
الله يسعدكم يارب
حبيبتي بالنسبة لجارتي .. فا طبعا الاكل مصيره الكب .. لانه لا يكتفي برميه فقط
لكن كل اللي بالبيت يعرف فا ينقرفوا لقرف ابوهم الله يهديهم ....
اكيد تسوي غطاء للشعر .. بس صدقيني الا ما تحصل هذه المواقف ولو مرة بالسنة
الله يعينها
شااكرة مرورك الحلو حبيبتي




بنت ناس ..
طالعة على ابوك يابنت
ارجع و اقووول لا تقرفي من شعرررك
ايش بتسوي بعدين لا صار وقت الرضاعة و شعرك يهر
و تلاقي شعرتين زي ملك
عجبني عذر القولون ممكن استخدمه اذا انعزمت
و لاقيت شعرة
نوورتي يا عسل




منت عاجبني ..
ها حبيبتي كيف الحمل ...
ماشاء الله عليكم ... ربي يحميكم
ايه هذا هو الكلام ...المفترض ماحد يقرف من شعره او شعرة حبيب القلب
فااعادي ..
موضوع المطاعم ... لا حرام تقطعي برزقه ... بس من جهة ثانية لازم تنبيه
عشان ينتبه ... و يغيروا لكم الاكل بدون مشاكل و دعاوي
نووورتي ياحلو .. و يور ويلكمووووو




ابو عبدالله...
يحدث كثييرا ؟؟؟؟ صح الواحد يمشيها بس مو كثييير
نبه المدام عشان تسوي غطاء عالراس ...
شكرا لمرورك اخي الفاضل

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله