زوجي والتقاليد...!!!
السلام عليكم ورحمة الله وبركاته ,,,
حياكم الله اخواني واخواتي
زوجي يملك من التقاليد ما يضيقني ؛
_الدراسه حرمني منها على اساس ان المرأه الزم ماعليها بيتها وزوجها لو كان يحب يطلع كثير انا مايصير اضيق ارضي فيني واذا تناقشت يقلبها علي بدال مايواسيني يضيق مني,
_المشاوير يتعب منها ويقول هجوله تقولو شايب الله يصلحه ويخليه لعين ترجيه,,
_يريدني مطيعه لا اعصي له امرآ لو كان يضايقني سم ولبيه يموت فيها شويب هههه,,
_لو برايه لبست غطوه بدال النقاب اذا بغى يقول غطي عيونك يقول غطي وجهك يحس ان وجهي طالع مع عيوني يبشر في هذي بس لحد الحين ماطلبها
والله انا بس ابي دراستي بالله عليكم وشلون يقتنع والله قهر قسم مناسب وحلو بس وشلون اجيب راسه تكفووووووووون عطوني حلول والله اعاني من فرااااغ مع العلم انه كان موافق عليها بس مع البيبي رفض ربي يهديه ويوافق علي والله ما اقصر معاه بشيء ولا مع اهله بس مدري وشلون يقتنع واهله كمان مايأيدون الفكره خساره لوهم واقفين بصفي كان وافق بس الله يهديهم ويسخرهم كبروها في راسه حيييييل,,
لاتحرموني من ردودكم لو بدعوات ربي يوفقها ويوفقه اللي بيفيدني ويسخر له مايحب ويسكنه فسيح جناته ووالديه ياكريم ,,
التعديل الأخير تم بواسطة ام عزاام ; 04-10-2010 الساعة 03:58 AM
04-10-2010, 03:56 AM
ضوابط المشاركة
العرض الشجري