في المنطقة الوسطى في السعودية كثير من العوائل اذا الولد جاب المهر اللي 50 - 60 وجاب طقم الماس بحدود 30 الف وشبكه هم يسوون العرس لكن الذبايح على العريس وتكلفة العرس على اهل العروس الا اذا كان شراكه واهل العريس حبوا يعزمون عدد كبير فيكون مناصفه او بنسبه معينة ..
انا كشخص ما أأيد الزواجات الكبيرة ابدا خصوصا في الرياض لان ماحد راح يعجبه شي سواء حطيته في استراحه او قي المقصورة الناس راح تطلع عيوب وانتقاد بشكل رهيب فما شوف الزواجات الكبيره له فايده خصوصا الايام هذي ، انا اشوف الزواج المختصر أو العائلي في صالة صغيره ومافيه احد بيجي من طرفي كعريس الا العمات والخالات وبناتهم فالعرس هنا يكون على اهل العروس واذ كان بوفيه ومافيه ذبايح اتوقع اساعدهم بمبلغ عشرة الاف